Tijorat banklari faoliyati menejmentida marketing usullarini takomillashtirish

2014 2015 2016 2017 2018 2019
6-rasm. “Mikrokreditbank” ochiq aktsiyadorlik-tijorat banki kapitali
(mlrd.so’m)
Mazkur bank o’zining qariyb etti yillik faoliyati davomida barqaror va
ishonchli moliya tashkiloti sifatida yurtdoshlarimizning to’la ishonchini qozondi.
Zero, Prezidentimizning 2006 yil 5 maydagi “OATB “Mikrokreditbank”ni tashkil
etish to’g’risida”gi Farmoni asosida ish boshlagan bu moliyaviy muassasa asosiy
e’tiborni, eng avvalo, yurtimizning chekka tumanlari, olis qishloq va ovullari
aholisini barcha turdagi bank xizmati bilan qo’llab-quvvatlashga qaratdi. Natijada o’tgan davr mobaynida u respublikamizning eng olis hududlarigacha kirib bordi.
Bugungi kunga kelib uning 84 ta filiali, 188 ta minibanki va ko’plab agentliklari
tomonidan turli mulkchilik shaklidagi xo’jalik yurituvchi sub’ektlar va jismoniy
shaxslarga keng ko’lamdagi bank xizmatlari kursatilayotgani ana shundan dalolat
beradi. Ayniqsa, Prezidentimizning respublika moliya-bank tizimini yanada isloh qilish va barqarorligini oshirish hamda yuqori xalqaro reyting kursatkichlariga erishishning ustuvor yo’nalishlari to’g’risida”gi qarori ijrosini ta’minlash yuzasidan bir qator ishlar amalga oshirilganligini alohida ta’kidlash zarur. Pirovardida 2019 yil 1 yanvar holatiga ko’ra, bankning jami kapitali 176 milliard so’mni, jumladan, bankning shakllangan ustav kapitali miqdori 160,2 milliard so’mni tashkil etdi. Ya’ni bu kursatkich moliya muassasasi tuzilgandan buyon 2,2 barobarga oshdi.

2013 2014 2015 2016 2017 2018
7-rasm. Kichik biznes sub’ektlariga ajratilgan kreditlar (mlrd.so’m)
Shuningdek, bank aktivlari 2019 yilning 1 yanvar holatiga ko’ra, 589
milliard so’mga etib, uning tarkibidagi daromad keltiruvchi aktivlar miqdori o’tgan
yilning shu davridagiga nisbatan 1,2 barobarga ortdi. Bank kapitalining oshishi,
o’z navbatida, mijozlar soni ko’payishiga ham zamin yaratdi.
Ayni chog’da o’tgan yili bank aktivlarining 442,3 milliard so’mi yoki 75,1
%i kredit qo’yilmalari hissasiga to’g’ri keldi. SHundan qisqa muddatli kreditlar
112 milliard so’m yoki umumiy qo’yilmalardagi ulushi 25 %ni, uzoq muddatli
kreditlar esa 330,2 milliard so’m yoki umumiy qo’yilmalardagi ulushi 75 %ni
tashkil qildi. Buni tarmoqlap bo’yicha tahlil etadigan bo’lsak, sanoatga 74,1
milliard, qishloq xo’jaligiga 153,8 milliard, savdo va xizmat kursatish sohasiga
116,2 milliard hamda boshqa sohalarga 98,2 milliard so’m mablag’ yo’naltirildi.
Kichik biznes va xususiy tadbirkorlikni moliyaviy qo’llab-quvvatlash OATB
“Mikrokreditbank” faoliyatining asosiy yo’nalishlaridan hisoblanadi. Bu borada,
xususan, Prezidentimizning OATB “Mikrokreditbank”ning tadbirkorlik sub’ektlarini qo’llab-quvvatlash borasidagi faoliyatini yanada kengaytirish chora-tadbirlari to’g’risida”gi Farmoni muhim dasturilamal bo’lmoqda. Gap shundaki, ushbu hujjatga binoan, yurtimizda tadbirkorlarga eng past foizlarda mikrokreditlar ajratish, mikrolizing xizmatlarimkursatish joriy etildi. SHu bilan birga, bank ustav kapitali ko’paytirildi. Buning samarasi o’laroq, kichik biznes va xususiy tadbirkorlik sub’ektlariga 1,2 trillion so’m miqdorida kreditlar berilgan holda, 707 milliard so’mlik mikromoliyaviy xizmatlar kursatildi.