Tijorat banklari faoliyati menejmentida marketing usullarini takomillashtirish

4.OATB “Mikrokreditbank”ning moliyaviy-iqtisodiy faoliyati va uning rivojlanish dinamikasi
“Mikrokreditbank” ochiq aktsiyadorlik-tijorat banki O’zbekiston Respublikasi Prezidentining ““Mikrokreditbank” aktsiyadorlik-tijorat bankini tashkil etish to’g’risida” 2006 yil 5 maydagi PF-3750-son Farmoni bajarish yuzasidan hamda uning samarali faoliyatini tashkil etishni ta’minlash va moddiy-texnika bazasini mustahkamlash maqsadida Vazirlar Mahkamasi №78-sonli qarori bilan tashkil etgan.
Ochiq aktsiyadorlik-tijorat “Mikrokreditbank” O’zbekistondagi etakchi universal tijorat banklaridan biri bo’ladi.
“Mikrokreditbank”ning asosiy vazifalari quyidagilardan iborat:

kichik biznes, xususiy tadbirkorlik sub’ektlariga, fermer va dehqon xo’jaliklariga o’zlarining ishlab chikarish faoliyatini mustahkamlash va kengaytirishlari uchun mikrokreditlar berish, keng ko’lamdagi bank hamda konsalting xizmatlari kursatish;

mikrokreditlar berish hamda mikrolizing yo’li bilan mikrofirmalar, oilaviy biznes va kasanachilik rivojlanishini rag’batlantirish va qo’llab-quvvatlash hisobiga tadbirkorlik sohasi kengayishiga ko’maklashish;
qarz oluvchi tomonidan taqdim etiladigan biznes-rejani, uning moliyaviy holatini, kreditni to’lash bo’yicha majburiyatlari ta’minlash manbalarini sinchiklab tahlil etish asosida mikrokreditlarning qaytarilishini ta’minlash;
mikrokredit berish va mikrolizing bo’yicha xizmatlar kursatishni kengaytirish uchun xalqaro moliya institutlari hamda etakchi xorijiy banklarning imtiyozli kreditlari, investitsiya va grantlarini jalb etish;
 ayniqsa qishloq joylarda, kichik biznes va xususiy tadbirkorlik sub’ektlariga xizmat kursatish uchun qo’shimcha imkoniyatlarni ta’minlaydigan filiallar va mini-banklar tizimi orqali moliyaviy infratuzilmani yanada
rivojlantirish.
Davlatimiz rahbari 2018 yilda mamlakatimizni ijtimoiy-iqtisodiy
rivojlantirish yakunlari hamda 2019 yilga mo’ljallangan iqtisodiy dasturning eng muhim ustuvor yo’nalishlariga bag’ishlangan Vazirlar Mahkamasining majlisidagi ma’ruzasida respublikamiz moliya-bank tizimida qo’lga kiritilayotgan ijobiy o’zgarish hamda yutuqlarni mamnuniyat bilan e’tirof etdi. Darhaqiqat, yurtimizda keyingi yillarda ushbu sohani takomillashtirish, moliya muassasalarining mijoz bilan ishlash jarayonini yanada yaxshilash maqsadida olib borilayotgan islohotlar o’z samarasini bermoqda. Buni OATB “Mikrokreditbank” faoliyati misolida ham yaqqol ko’rish mumkin.