Tijorat banklari aktivlari va passivlarini boshqarish bu pul mablag’larini jalb qilish va ularni joylashtirishni tartibga solish yo’llari va usullaridir

6.4. Kredit siyosatida kreditlarning garov ta’minotiga qo’yiladigan talablar

76
Kredit siyosatida kreditlarning garov ta’minotiga qo’yilgan talablar hamda beriladigan kredit summasi va garov ob’ektining qiymati o’rtasidagi marjinal qiymat aniq aks ettirilgan bo’lishi kerak.

1.Qimmatli qog’ozlar garovi.

Qimmatli qog’ozlarni garovga olishda ularning barcha rekvizitlari shartnomada qayd qilinishi lozim (emitent, narxi, chiqarilgan vaqti va boshqalar).

Agar, garovga qo’yiladigan qimmatli qog’ozlar naqd shaklda bo’lsa, garovga qo’yilgan qimmatli qog’ozlar saqlash uchun bankka topshiriladi, naqdsiz shaklda bo’lgan qimmatli qog’ozlar bankning depozitariyadagi ―Depo‖ hisobvarag’iga o’tkaziladi.

Garov sifatida qabul qilingan qimmatli qog’ozlar kredit bo’yicha foizlari va kreditning asosiy summasi to’liq so’ndirilgandan so’ng qaytariladi. Kredit qaytmagan qismi bo’lsa, garovga olingan qimmatli qog’ozlarning qisman qaytarib berilishiga yo’l qo’yilmaydi.

Qimmatli qog’ozlarni garovga olishda, agarda bank uning garovga qo’yish hukuqiga shubha qilmasa, shartnomani notarial tasdiqlamasdan rasmiylashtirilishi mumkin.

Qimmatli qog’ozlarni garov ob’ekti holatidagi sifat mezonlari:

0. 
   Oson sotilishi.
   

0. 
   Emitentning moliyaviy holati.
   

Ushbu mezonlardan kelib chiqqan holda, qimmatli qog’ozlar quyidagi marjinal qiymatda garovga olinadi:

– davlat qimmatli qog’ozlari – 95 foizgacha;

– korxonalarning aktsiyalari – 80-85%;

– tijorat veksellari – 75-80%.

2.Qimmatbaho buyumlar garovi.

77
Qimmatbaho buyumlar (taqinchoqlar) garovga olinishida bunday boyliklar sifati va haqiqiyligi bo’yicha ekspertiza qilinishi hamda baholash huquqiga ega bo’lgan tashkilot tomonidan baholash xulosasi asosida garovga olinishi mumkin.

Qimmatbaho buyumlar umumiy mulk (masalan, oila mulki) hisoblanishi mumkin bo’lgan hollarda bu shartnoma notarial tasdiqlanishi shart.