Тижорат асосида иш юритувчи корхона ва ташкилотлар молияси

2. Корхона молиявий ресурслари ва унинг манбалари.
Хар қандай қиймат тақсимот муносабатлари умумий эквивалент яъни пуллар воситасида амалга оширилади. Шунингдек тақсимлаш харатеридан иборат булган пул муносабатлари ҳам молиявий муносабатларни узида акс эттиради.
Молиянинг алохида хусусияти унинг тақсимлаш функцияси натижасида марказлаштирлган ва марказлаштирилмаган пул фондларини шакллантириш билан белгиланади. Айнан мазкур пул фондларининг бош молиявий манбаи корхоналар маҳсулот реализацияси(курсатилган хизматлар ва бажарилган ишлар)дан тушган тушум ҳисобланади. Тушумни бирламчи тақсимланишида солиқларнинг роли алохида аҳамиятга эга.
Тадбиркорлик фаолиятининг турли шаклларида фаолият юритувчи хуалик субъектлари асосий ва айланма ишлаб чиқариш фондларини шакллантириш турли шаклдаги хужалик операциялари молиявий натижаларини тақсимоти жараёнидаги пул жамғармалари ҳисобига ташкил қилинувчи моливий ресурслар воситасида амалга оширилади.
Иқтисодий адабиётларда «Молиявий ресурслар» тушучасидан кенг фойдаланилади. Мазкур молиявий категориянинг моҳиятини бир маънода ва асосланган ҳолда талкин қилишнафакат назария учун балки корхоналар молиявий фаолиятини амалга ошириш учун ҳам муҳим аҳамият касб этади.
Корхона ва ташкилотлари молиявий ресурслари -бу хужалик юритувчи субъектларнинг ихтиёрларида булган ва турли характердаги молиявий мажбуриятларни бажаришга, кенгайтирилган такрор ишлаб чиқаришни баркарорлигини таъмнлашга доир харажатларни амалга оширишга муллжалланган пул даромадлари ва тушумларидир.
Россиялик иқтисодчи В.М.Родионованинг фикрича, молиявий ресурсларни шакллантиришнинг асосий манбалари қуйидагилар ҳисобланади:
- корхонанинг хусусий ва унга тенглаштирилган маблағлари;
-молиявий бозорлардан жалб қилинган ресурслар;
-молия банк тизимидан қайта тақсимлаш натижасида келиб тушган маблағлар.