Tibbiyot instituti talabalari uchun

13.7. Sezilarli morfologik o’zgarish chaqirmaydigan zaharli moddalardan 
zaharlanish
Bu guruh zaharli moddalar o’zining kimyoviy kelib chiqishiga ko’ra juda 
xilma xil bo’ladi, umumiy xususiyatlaridan biri markaziy nerv sistemasiga ta’sir 
qilishidir. Ularning ko’pchiligi ichki organlarda qandaydir sezilarli o’zgarishlar 
chaqirmaydi. Shuning uchun ham bu zaharli moddalar bilan zaharlanish tashxisi 
asosan klinik belgilar va sud-kimyoviy tekshiruv hamda qo’shimcha tekshiruv 
usullari natijalariga asoslanadi.
Bu guruh zaharli moddalar o’zining nerv sistemasiga ta’sir qilish xarakteriga 
qarab 4 guruhchaga bo’linadi:
1) markaziy nerv sistemasini falajlovchi zaharli moddalar;
2) markaziy nerv sistemasi faoliyatini susaytiruvchi zaharli moddalar;
3) markaziy nerv sistemasini qo’zg’atuvchi va talvasalantiruvchi zaharli 
moddalar;
4) ko’pincha periferik nerv sistemasiga ta’sir qiluvchi zaharli moddalar.