Тиббий биология ва генетика Тиббиёт олийгохи талабалари учун дарслик

БЎЛИМ. ЭВОЛЮЦИОН ТАЪЛИМОТ
ЭВОЛЮЦИЯ ЭЛЕМЕНТАР ОМИЛЛАРИНИНГ ОДАМ ПОПУЛЯЦИЯЛАРИГА ТАЪСИРИ
Эволюция таълимоти организмларнинг тарихий ривожланиши механизмларини
ўрганади. Бу таълимот эволюциянинг синтез назариясига асосланган (ЭСН). ЭСН ХХ асрнинг 30- йилларида дарвинизм таълимоти ва генетика ютуқларининг қўшилиши натижасида яратилган. Бу таълимотга кўра эволюциянинг сифат боскичи тур хисоб-ланади. Тур - эволюциянинг натижаси сифатида қараганимизда генетик алоҳидаланган стабил, эволюциянинг боскичи сифатида эса динамик, ўзгарувчан системадир. Эволюцион жараёнлар макроэволюция ва микроэволюцияга ажратилади.
Макроэволюция - жуда катта вакт оралиғида кузатиладиган, йирик таксономик гурухлар хосил бўлишига олиб келувчи эволюцион жараён. Бу жараён натижасида турдан юқори типгача бў лган гурухлар келиб чикади.
Микроэволюция - тур ичида кечадиган, турнинг дифференсиацияланишига олиб келадиган ва янги тур хосил бўлиши билан тугалланадиган жараён. Микроэволюция жараёнларини экспериментал усул ёрдамида популяцияларда кузатиш имконияти мавжуд.
Популяция - узоқ вақт давомида бир худудда яшайдиган ўзининг мустақил генетик системасига ва экологик уясига эга, турнинг бошка популяциялари билан панмиксия ҳолатида бўлган турнинг ўз-ўзидан кўпаювчи энг кичик гурухидир.
Эволюциянинг элементар бирлиги популяциядир. Чунки айрим ёки бир нечта организмдаги ўзгаришлар эволюцияга олиб келмайди. Бутун популяциядаги ўзгаришлар-гина эволюцияга сабаб бўлади.
Элементар эволюцион ходиса - популяция генофонднинг узок давом этадиган, маълум йўналишда борадиган (вектор), орқага кайтмас ўзгариши.
Эволюциянинг элементар материали - мутациялардир, чунки улар натижасида ирсий хилма-хиллик ва табиий танлаш учун материал яратилади.
Эволюциянинг элементар омиллари - популяция генофондининг ўзгаришига сабаб бўлувчи омиллар. Уларнинг асосийлари:
1.Мутацион жараён. 2. Алохидаланиш. 3. Популяцион тў лкинлар.4. Табиий танлаш.