Thesis · April 2020 doi: 10. 13140/RG

трансформация 
қилишни бошлаш.
Бугунги кунда юқорида қайд этилган барча йўналишларда аниқ чора-тадбирлар 
белгиланган ва энг асосийси – бу ишлар бошланган. Олий таълим муассасаларининг 
замонавий таълим воситалари билан жиҳозланганаётганлиги, анъанавий таълим услубиётига 
замонавий теxнологияларнинг фаол киритилаётгани, фанларнинг электрон ўқув-услубий 
таъминоти шаклланитирилаётганлиги, етакчи хорижий олий таълим муассасалари билан 
ҳамкорликда қўшма таълим дастурлари асосида кадрлар тайёрлашнинг йўлга қўйилганлиги 
ҳам соҳадаги чуқур ислоҳотларнинг бошланганидан далолат беради. 
Олий таълим муассасасини трансформация қилиш учун шуниннг ўзи етарлими? Йўқ, 
албатта. Тизимда қўлга киритилаётган ютуқларнинг пойдеворига алоҳида олинган олий 
таълим муассасасида асос солинади: барча таълим муассасалари ўз фаолиятини ислоҳ 
қилишга аниқ режа ва амбицияли мақсад билан киришсагина бу пойдевор мустаҳкам бўлади. 
Таълим муассасаси раҳбарида ўзибўларчилик принципига асосланиб, «кун ўтказиш»га 
мойиллик намоён бўла бошлаши билан у дарз кетади. Шу боисдан, ҳар бир раҳбар ишни 
ташкил қилишда бутун жамоанинг барқарорлигини, таҳсил олаётган ёшларнинг келажагини 
ўйлаши мақсадга мувофиқ.
Назаримизда, бу жараён қуйидаги ўзгаришларни тақозо қилади: 
биринчидан,
олий таълим муассасаси раҳбарининг, жамоанинг дунёқараши, 
тафаккур тарзи ўзгариши керак – улар олдига қўйган аниқ мақсадини – стратегияни, ва унга 
эришиш йўлини – тактикани аниқ тасаввур қилиши шарт; 
иккинчидан, 
таълим муассасасининг ўнлаб йиллар давомида қотиб қолган 
моделини, унинг таркибий тузилишини қўйилган стратегик мақсаддан келиб чиққан ҳолда 
такомиллаштириш – муваффақиятимиз гаровидир; 
учинчидан,
биз амалга ошираётган ўзгаришлардан, янгиланиш жараёнларидан 
бизнинг асосий мижозларимиз – талабалар, ишлаб чиқариш корхоналари, илмий тадқиқот 
муассасалари ва бошқа ҳамкор ташкилотлар, кенг жамоатчилик бохабар бўлиши керак. 
Ижобий хабар учун эса ижобий ўзгариш, янгилик қилиш зарур. Уинстон Черчилл 
айтганидек: «Янгиликни яратмоқ янгиликлар ҳақида гапиргандан афзалдир».
Олий таълим тизими тўғрисида сўз кетганда, «олий таълим муассасаси 
битирувчилари ишлаб чиқаришга тайёр кадр бўлиб келмаяпти, улар бугунги кун талабларига 

---