The ministry of higher and secondary special eduction of the republic of uzbekistan

Ресурсларнинг ўсиб бораётган таклифи. Барча турдаги ресурслар, жумладан ер, капитал, иш кучи ва тадбиркорлик қобилияти миқдор ва сифат жиҳатидан ўзгармаслигича қолиш эҳтимолидан воз кечамиз. Соғлом фикрлар шуни кўрсаткмоқдаки, вақт ўтиши билан мамлкат аҳолисининг ўсиши иш кучи ва тадбиркорлик қобилиятининг миқдор жиҳатидан ўсишига олиб келади³. Шу билан бирга иш кучи сифати ҳам одатда вақт ўтиши билан ортади. Мисол учун, иш кучи таркибида ўрта маълумотли кишилар салмоғи 1960 йилдаги 30 % дан 1987 йилдаги 40% гача ошди. Тарихан А+Ш капитал жамғармалари барқарор бўлмасада юқори суръатлар билан ўсиб борган. Энергетик ва минерал ресурсларимизни тугатиб боришимизга қарамасдан, уларни янги манбалари очилмоқда. Ботқоқликларни қуритиш ва ирригация дастурларини амалга ошириш ҳайдаладиган ер майдонларини кенгайтирмоқда. Ресурсларнинг тўлиқ бандлиги ва тўлиқ ишлаб чиқариш ҳажми сақланиб қолиш эҳтимолида робот ва пиццани кўпроқ миқдорларда ишлаб чиқариш имконияти ишлаб чиқариш омиллари ўсишининг пировард натижаси бўлиб хизмат қилади. Шундай қилиб, айтайлик 2010 йилда 4.1 жадвалда келтирилган ишлаб чиқариш имкониятлари тўғрисидаги 1990 йилги маълумотлар эскириши ва ўз ўрнини 5.1 жадвалда келтирилган маълумотлар учун бўшатиши мумкин. Эътибор беринг, ресурсларнинг ортиши ҳар бир вариантда бир ёки ҳар иккала турдаги маҳсулотни ишлаб чиқаришнинг потенциал ҳажмини ортишига олиб келади: маҳсулотнинг потенциал ҳажмини ортишида кузатилувчи иқтисодий ўсиш рўй беради.
Бироқ қуйидаги муҳим омилга эътиборни қаратинг: ишлаб чиқариш имкониятлари эгри чизиғининг ушбу оғиши иқтисодиёт эгри чизиқдаги нуқта билан белгиланган режимда фаолият юритишидан кафолат бермайди. Иқтисодиёт ўзининг янги имкониятларини тўлиғича амалга ошира олмаслиги ҳам мумкин. Ҳозирги вақтда қарийб 120 млн. иш кучи тўлиқ бандликни таъмин этиши мумкин, лекин 10 ёки 20 йил ўтгандан сўнг иш кучи сони аҳоли сонининг ўсиши ҳисобига ортиб боради ва 120 млн. иш кучи тўлиғ бандликни таъмин этиш учун етарли бўлмайди. қисқача қилиб айтганда, ишлаб чиқариш имкониятлари эгри чизиғи оғиши мумкин, ишлаб чиқариш эса ушбу эгри чизиқдаги нуқта белгиланган ҳажмда амалга оширилмаслиги ҳам мумкин.