“texnologiya va uni o’qitish metodikasi” fanidan

 

---

183 
19 – Amaliy mashgʻulot
Kartondan harakatlanuvchi oʻyinchoqlar yasash texnologiyasi 
Reja:
1. Harakatlanuvchi oʻyinchoqlar haqida maʼlumot berish.
2. Modellar yasash texnologiyasini tushuntirish.
3. Kartondan harakatlanuvchi oʻyinchoqlar yasash texnologiyasini oʻrgatish.
Amaliy mashgʻulotning maqsadi: 
Harakatlanuvchi oʻyinchoqlar va 
modellar yasash haqida maʼlumot berish. Kartondan harakatlanuvchi oʻyinchoqlar 
yasash texnologiyasini oʻrgatish.
Pedagogik vazifalar:
• talabalarning kartondan oʻyinchoqlar yasash haqidagi bilimlarini aniqlash;
• kartondan modellar yasash haqida tushunchalar berish;
• kartondan harakatlanuvchi oʻyinchoqlar yasash texnologiyasini oʻrgatish.
Taʼlim usullari: Tushuntirish, “Aqliy hujum”, amaliy ish, tushuntirish, 
koʻrgazmalilik. Taʼlim vositalari: Metodik qoʻllanmalar, slaydlar, kartondan 
tayyorlangan harakatlanuvchi oʻyinchoq turlaridan namunalar, koʻrgazmalar, 
karton, kley, qaychi, qogʻoz.
Mashgʻulotni boshlashdan oldin oʻquvchilarning bilimlarini aniqlash va 
fikrlarini umumlashtirish uchun “Aqliy hujum” metodi asosida savollar beriladi.
1. Karton turlarini bilasizmi?
2. Kartonni modellashtirish texnologiyasi qanday?
3. Texnik modellashtirish nima?
4. Kartondan texnik modellashtirish ishining asosiy mazmuni?
5. Texnik modellashtirishning asosiy maqsadi nima?
Kartondan modellar yasashda quyidagi bilimlarga ega boʻladilar:
1. Oʻquvchilar model va maket haqida tasavvurga ega boʻladilar.
2. Qoʻl asboblari va moslamalarning tuzilishi bilan tanishadilar.

---

184 
3. Oʻquvchilar avval oʻqituvchi yordamida, soʻngra mustaqil tarzda modelni 
yasay bilishlari: ularning xususiyatlarini, ayrim qismlarini, qismlar oʻlchovining 
bir-biriga munosibligini oʻrganishlari.
4. Modelni tayyorlash uchun qanday material zarurligini aniqlay olishlari.
5. Ish joyini jihozlashlari.
6. Belgilash, oʻlchash, ishlov berish, yelimlash va pardozlash bosqichlarini 
bajarishlari.
7. Oʻzini-oʻzi nazorat qilish va oʻz mehnatini hisobga olishlari kerak.