“texnologiya va uni o’qitish metodikasi” fanidan

Yasash bosqichlari:
1- bosqich: Qattiq kartondan oʻrtasi teshik ikkita halqa tayyorlanadi.
2-bosqich: Halqalarga sariq ip oʻraladi.
3-bosqich: Oʻralgan iplar qaychi bilan qirqiladi.
4-bosqich: Ikki halqa ajratiladi va ipning oʻrtasi qalin ip bilan bogʻlanadi.
5-bosqich: Dumaloq paxmoq hosil boʻladi.
6-bosqich: Joʻjani koʻzlari mato parchalaridan tayyorlanadi.
7-bosqich: Dars yakunida barcha ishlar namoyish etish uchun qoʻyiladi va 
oʻquvchilar bilan birgalikda tahlil qilinadi. Ipni bogʻlash usulida oʻyinchoqlarga 
shakl berish usullari

---

182 
18 – Amaliy mashgʻulot 
Filcha oʻyinchogʻini tikish texnologiyasi 
 
• Filcha oʻyinchogʻining andozasini tayyorlashda millimetrli qogʻozga 
filchaning har bir detali chiziladi.
• Filchani tana qismining uzunligi 6 sm, eni 8 sm, xartumigacha boʻlgan 
qismi 4 sm, ikkita oyoq qismi 2 smdan qilib chizib olinadi va chizilgan andoza 
qaychi bilan qirqib olinadi, quloq va koʻz oʻrni belgilab olinadi.
• Filchaning quloqlari uzunligi 3 sm, eni 2 sm, bel qismi uzunligi 11 sm, eni 
1,5 sm, panja qismi 1,5 sm, dum qismi 2sm oʻlchamda chizib olinadi va chizilgan 
andoza qaychi bilan qirqib olinadi.
• Filcha oʻyinchogʻi uchun kerakli mato tanlab olinadi. Mato tekislanib 
dazmollanadi.
• Filcha oʻyinchogʻining andozasini matoga tayyorlash uchun tayyor 
andozalar mato ustiga qoʻyib chizib olinadi.
• Andoza qalam bilan belgilanayotgan boʻlsa, toʻq matoga andoza oq yoki 
sariq rangi qalam bilan, och rangdagi matoga qora rangli qalamdan foydalanish 
tavsiya etiladi.
• Matodagi detallarni qirqishda har tomondan 0,5 sm chok haqi qoldirilib, 
qirqish kerak.
• Filcha oʻyinchogʻini tayyorlash uchun bel qismi bitta, oʻyinchoqning 
qolgan detallaridan ikkitadan kerak boʻladi. Buning uchun andozani bichishda 
matoni ikkiga buklab qirqilsa har bir detaldan ikkitadan hosil boʻladi.
• Andoza qismlari bir-biriga biriktirib qoʻlda tikiladi. Tayyor tikilgan 
detallar metall tayoqcha yordamida bilan oʻngiga agʻdariladi. Oʻyinchoq ichi paxta 
yoki mayda mato qiyqimlari bilan toʻldiriladi.
• Qismlari bir-biriga koʻrinmas chok bilan birlashtirib tikiladi. 
Oʻyinchoqning ayrim qismlari jihozlanadi va bezatiladi.