“texnologiya va uni o’qitish metodikasi” fanidan

15 – Amaliy mashgʻulot
Plastilindan mevalarini yasash texnologiyasi 
Reja:
1. Plastilin haqida maʼlumot berish.
2. Plastilin bilan ishlash qoidalari.
3. Plastilinga ishlov berish usullari.
4. Plastilindan turli uy jihozlarini yasash texnologiyasini tushuntirish.
Amaliy mashgʻulotning maqsadi: Talabalarga plastilin va uning turlari 
haqida maʼlumot berish. Plastilinga ishlov berish va turli shakllar yasash 
texnologigini oʻrgatish.
Pedagogning vazifalari:
• talabalarning plastilin haqidagi bilimlarini aniqlash;
• plastilin va uning turlari haqida maʼlumot berish;
• plastilinga ishlov berish boʻyicha koʻrsatmalar berish;
• plastilindan turli shakllar yasash texnologiyasini oʻrgatish.

---

178 
Taʼlim usullari: Tushuntirish, “Aqliy hujum”, amaliy ish, koʻrgazmalilik.
Taʼlim vositalari: Metodik qoʻllanmalar, slaydlar, koʻrgazmalar, plastilindan 
yasalgan oʻyinchoqlardan namunalar, plastilin qalamchalari, stek, taxtakach, 
sochiq.
Mashgʻulotni boshlashdan oldin oʻquvchilarning bilimlarini aniqlash va 
fikrlarini umumlashtirish uchun “Aqliy hujum” metodi asosida savollar beriladi.
1. Plastilinning qanday turlarini bilasiz?
2. Plastilin qanday xususiyatlarga ega?
3. Plastilindan nimalar yasash mumkin?
4. Plastilinga qanday ishlov beriladi?
5. Plastilindan turli shakllar yasash texnologiyasini bilasizmi?
Plastilin bilan ishlashda kerak boʻladigan qoidalar:
1. Plastilin bilan ishlashda ayrim qonun-qoidalarga rioya qilishga toʻgʻri 
keladi.
2. Plastilin sovuq boʻlganda ancha qattiqlashib qoladi.
3. Ish boshlashdan oldin esa uni bir oz yumshatish kerak boʻladi. 4. Buning 
uchun plastilin solingan quticha mashgʻulot boshlanishidan oldinroq issiqlik 
manbayiga yaqinroq joyga qoʻyiladi yoki salgina namlangan qoʻlning kaftida tutib 
turiladi.
5. Natijada plastilin yumshab, ishga tayyor boʻladi.
6. Plastilinni qoʻlda uzoq vaqt ushlab turish yaramaydi.
7. Chunki plastilin haddan tashqari yumshab, yopishqoq boʻlib qoladi.