Texnologiya fanini o‘qitishda innovatsion pedagogik texnologiyalar

Ta’lim tizimida tabaqalashtirib o’qitish va shaxs faolligining o’zaro bog’liqligi. Fozil odamlarni tarbiyalash ajdodlarimizning asriy orzusi bo’lganligini ular yaratgan bebaho manbalarda uchratamiz. Darhaqiqat, faqat har tomonlama rivojlangan, mukammal shaxsgina millat kelajagini yarata oladi. Shuning uchun ham Kadrlar tayyorlash milliy modelida asosiy e’tibor shaxsni shakllantirishga qaratilgan va unda o’quvchilarning qiziqishlari va layoqatlari, imkoniyat va ehtiyojlarini hisobga olgan holda tabaqalashtirib o’qitishga e’tibor qaratiladi. Ayniqsa, akademik litseylar va kasb – hunar kollejlarida o’quvchi o’zi tanlagan mutahassislik uchun zarur bilimlarnigina egallashga keng imkoniyat yaratib beradi.
Layoqat va qobilyat, imkoniyat va ehtiyojlarga asoslangan ta’lim esa yaxshi mutahassis shakllanishining pedogogik kafolatidir.
Ta’limning keyingi bosqichiga tayyorgrlik ko’rish umumiy o’rta ta’lim maktablaridayoq tashkil qilinsa o’quvchilar hech ikkilanmasdan o’z qobilyat va imkoniyatlariga qarab uni tanlagan bo’lar edilar. Buning uchun maktablarda tabaqalashtirib o’qitishni yo’lga qo’yishgina yaxshi samara berishi mumkin. Kadrlar tayyorlash Milliy dasturining ikkinchi bosqichida amalga oshiriladigan ishlar qatorida ``Majburiy umumiy o’rta va o’rta mahsus, kasb – hunar ta’limiga, shuningdek o’quvchilarning qobilyatlari va imkoniyatlariga qarab
tabaqalashtirilgan ta’limga o’tish to’liq amalga oshiriladi``, deb ko’rsatilgan. Tabaqalashtirilgan ta’lim o’rta maxsus, kasb – hunar ta’limida amalga oshirilayotgan bo’lsada uni umumiy o’rta ta’limda amalga oshirilishi sust kechmoqda. Faqat bazi maktablarda ayrim fanlar chuqur o’rganiladigan sinflar tashkil qilingan. Umumiy o’rta ta’lim maktablarida o’quvchilarning qobilyatlariga qarab tabaqalashtirib o’qitish o’quvchining o’z imkoniyatlariga qarab kasb tanlashiga yordam beradi. Natijada o’quvchilar ta’limning keyingi bosqichini o’zlari xoxlab tanlaydilar. Bu hol o’rta maxsus, kasb – hunar ta’limini samarali tashkil qilishga zamin hozirlaydi. Shunday qilinsa, umumiy o’rta ta’lim, o’rta maxsus, kasb – hunar ta’limi va oliy ta’lim o’rtasida uzviy aloqadorlik o’rnatiladi.