Texnologik hisob

5. Texnologik sxema bayoni.
Stripping jarayon bo‘yicha karbamid ishlab chiqarish texnologiyasining tasviri quyidagi qismlardan iborat:
1. Ammiak kompressori, 2. CO₂ kompressiyasi, 3. Sintez bo‘limi
4. Resirkulyatsiya, 5. Bug‘latish, 6. Donadorlash bo‘limi, 7. Absorbsiya, desorbsiya va gidroliz, - tayyor mahsulot ombori, - maxsus aylanma suv sikli
1. Ammiak kompressiyasi.
Suyuq NH₃ tashqi ta’minot sexidan 1.1 Mpa bosim ostida va -34,-10 ⁰C xarorat bilan nasos P101 ga keladi, u orqali filtr S102 qizdiruvchi E101 va yig‘gich V103 orqali yuqori bosimli nasoslar P102 ga uzatiladi. Quyidagi avtomatik boshqarishda inobatga olingan:
-Suyuq ammiakning qizdirgichdan keyingi maksimal va minimal xarorati signalizatsiyasi;
-Qizdirgichdan so‘ng past xaroratli suyuq ammiak bo‘lganda nasos P101 ni to‘xtatilishi.
P 102 nasoslar bilan 16 Mpa gacha siqilgan NH₃ yuqori bosimli (J-201) ijektor orqali yuqori bosimli E 202 kondensatorga beriladi.
Suyuq ammiak xarorati pasaygan taqdirda P102 nasoslarini to‘xtatish ko‘zda tutilgan (qizdirgichdan so‘ng).
2. CO₂ kompressiyasi.
Bug‘ holidagi CO₂ zavod tarmog‘idan 400-800 mm suv ustuni bosimda va 30-45 ⁰C xarorat suv bug‘lari bilan to‘yingan xolda tomchilarni ajratish uchun S-104 nam ajratgichga keladi. Karbamid ishlab chiqarish ustanovkasi jixozlarining korroziyasini oldini olish uchun namlik ajratgichga KGST ventilyator orqali havo yo‘naltiriladi, uning miqdori 0.75-1.0 % xajm miqdorida O₂ va CO₂ mavjud bo‘lishi uchun mo‘ljallab belgilanadi. Kiritilayotgan xavo miqdori uning ortiqcha qismini atmosferaga chiqarib yuborish bilan boshqariladi. Gaz tarkibidagi O₂ miqdori doimiy ravishda avtomatik gazoanalizator bilan nazorat qilib turiladi. (2-bosqich turbokompressoridan so‘ng). Is gazi va xavo aralashmasi nam ajratgichdan 2 korpusli turbokompressor KTO ga yo‘naltiriladi (turbokompressor yordamida gaz taxminan 2.8 Mpa bosimgacha siqiladi) biri ishchi, biri rezervda bo‘ladi. Bu 2 bosqichli turbokompessorda gaz 4-14.9 Mpa bosimgacha siqiladi va strippetr E-201 ga jo‘natiladi. Kompressiya tarmog‘ida signalizatsiya va kompressorlarni to‘xtatish xisobga olingan.