Teskari aloqa datchiklari

Teskari aloqa datchiklari

1.Teskari aloqa datchiklari

2. Fotoelektrik impul’sli datchiklar

3.RDB dastgohlari tizimlari

RDB dastgohlarida ishlov berishda detallarning kerakli aniqligini ta'minlash uchun kesuvchi asbob harakatining trayetoriyasini dastur bo'yicha belgilash va uni butun ishlov berish davomida nazorat qilish kerak. Buning uchun dastgoh kohstruksiyasida ishchi organlar harakati traektoriyasining bajarilishini nazorat qiluvchi teskari aloqa qurilmalari mavjud.

Teskari aloqa datchiklarning asosiy vazifasi ishchi organning haqiqiy holatini o`lchash, tegishli shakldagi signalga o`zgartirish hamda ushbu signalni taqqoslash qurilmasiga uzatishdan iborat.

Ishchi organning raqamli dastur bo`yicha berilgan va haqiqiy siljish signallari taqqoslash qurilmasida farq (xato) signaliga aylantiriladi, so`ng xato signali kuchaytirilib ishchi organ surish yuritmasi dvigateliga xatoni kamaytirish yoki ishchi organ berilgan holatga talab etilgan aniqlikda yetganida harakatni to`xtatish uchun uzatiladi.

Ishchi organning haqiqiy holatini o`lchash aniqligi, birinchidan, teskari aloqa datchigi aniqligi, uning sxemaviy va konstruktiv xususiyatlari, ikkinchidan, datchikni va o`lchanayotgan siljishni bog’lanishi bilan aniqlanadi. Surish yuritmalarining o`lchanayotgan siljishlari to`g’ri chiziqli va aylanali bo`lishi mumkin. Ishchi organning haqiqiy siljishi yoki holati haqidagi signalning aniqligi yuqori bo`lishi uchun o`lchash signalini ishchi organiga bevosita o`rnatilgan datchikdan olish to`g’ri bo`ladi. Shunda teskari aloqa datchigi hamda ishchi organning surish yuritmasi o`rtasidagi kinematikaviy zanjirlar bekor bo`ladi. Demak, chiziqli siljishlarni o`lchash uchun chiziqli datchiklardan, doiraviy siljishlarni o`lchash uchun doiraviy teskari aloqa datchiklaridan foydalanish to`g’ri bo`ladi.