Teskari aloqa datchiklari

Induktosinlar chiziqli va doiraviy induktosinlarga bo`linadi. RDB dastgohlarida chiziqli induktosinlar surish yuritmasi ishchi organi ko`chirilishini bevosita o`lchash uchun, doiraviy induktosinlar esa asosan bo`lish stollarida foydalaniladi. Induktosinlarning ishlash printsipi aylanuvchi transformatorlarnikiga o`xshash bo`lib, farqi induktosinlarda stator va rotor chulg’amlari tekislikka yoyilgan bo`ladi.

Chiziqli induktosinlar uzunligi 250 mm dan bo`lgan po`lat chizg’ichlaridan tashkil topgan bo`lib, harakati o`lchanishi kerak bo`lgan ishchi organga nisbatan qo`zg’almas tekislikka aniq birlashtirilib o`rnatiladi. Ishchi organning qo`zg’almas chizg’ichlarga qaragan yuzasiga sirpang’ich (polzunok) mahkamlanadi. Bunda qo`zg’almas chizg’ich va sirpang’ich orasidagi oraliq 0,2 – 0,3 mm dan oshmasligi hamda qiyshamagan bo`lishi kerak. Qo`zg’almas chizg’ich va ishchi organ bilan harakatlanadigan sirpang’ichning yuz tomonlari bir-biriga qaratilgan bo`ladi. Chizg’ich qalinligi 10 mm tashkil etadi (rasm 21.13).

Rasm 22.3. Chiziqli induktosinning chulg’amlari: a) chulg’amlarning sxematik rasmi;

b) chulg’amlarning ulash sxemasi; 1-2-yakkalovchi (izolyatsiyalovchi) asos; 3,4,5- chulg’amlar.

Fotoelektrik impul’sli datchigi sxemasi: 1- nur manbai; 2 - optik tizimi; 3 - shaffof o`lchash chizg’ichi; 4 – fotopriyomnik.

Rez’ba qirqish zanjirlarida zaruriy shaffof shtrixlar soniga ega bo`lgan o`lchash diski stanok shpindeli va surish vintiga o`rnatiladi. Masalan, VE – 50 va VE – 51 kabi shaffof shtrixlar bo`lgan o`lchash diski bilan juftlikda ishlaydigan impul’sli fotoelektrik impul’s datchiklari bir aylanishda 6000 ga yaqin impul’slar beradi.