Термиз давлат университети удк

1-rasm. Aqlli o’rindiqning konstruksiyasi.
Ushbu qurilma ma’lum xomashyo va materiallar to‘plamidan qisqa vaqt ichida qo‘l mehnati bilan tayyorlandi. Unga bir dona fotoelektrik batareya (100Vt), bir dona akkumulyator (26Axsoat), bir dona inverter (1500W), bir dona kontroller (12V, 10A), ikki dona sovutgich (12V, 0,12A), uch dona LED lampalari (4W), ikki dona rozedkalar (220V, 10A), bir dona kalit (220V, 10A), to‘rt dona tormozli g‘ildiraklar (75×150mm), 1m² o‘lchamli alikafon, 1,34m² yuzali yog‘och, 4 m to‘g‘ri burchakli po‘lat material va ulovchi simlar ishlatildi.
4.6. Quyosh fotoelektrik qurilmasi asosidagi elektr quvvatlashga moʻljallangan oʻrindiqni yig’ish jarayoni
Quyosh fotoelektrik qurilmasi 1-5-figuralarda tasvirlangan. 1-figurada Aqlli o‘rindiq aksonometrik proeksiya ko‘rinishida tasvirlangan. 2-3-figurlarda foydali modelning tashqi umumiy tasviri ko‘rsatilgan. 4-figurada foydali model orqa tomondan tashqi ko‘rinishi va aksonometrik proeksiya ko‘rinishidagi tarkibi tasvirlangan. 5-figurada quyosh qotoelektrik batareyasi asosidagi elektr quvvatlashga mo‘ljallangan o‘rindiqning yon tomondan kesimi tasvirlangan.
Figuralarda:
1 – fotoelektrik batareya. U butun perimetr bo‘yicha to‘g‘ri burchak ostida ichkariga qarab egilgan aluminiy korpusga mahkamlangan. Aluminiy korpusning ikki yon tomonlari teshiklar orqali havo erkin harakatlanib, batareyaning sovushiga yordam beradi.
2 – aluminiy korpusni optimal burchakka to‘g‘rilovchi metall sterjenlar. Metall sterjenlarda aluminiy korpusni ma’lum burchaklarga to‘g‘irlovchi teshiklar mavjud. Shu teshiklarning keraklisiga aluminiy korpus mahkamlanadi. Metall sterjenlarning ikkinchi tomoni aluminiy korpusning yon tomonlariga mahkamlanadi.
3 – to‘g‘ri burchak ostida ichkariga qarab egilgan aluminiy korpus bo‘lib, u fotoelektrik batareya va alikafonni birlashtirib turadi.
4 – alikafon. U quyosh batareyasining ostki tomoniga mahkamlangan. Unga sovutgschlar va LED lampalari o‘rnatilgan.
5 – foydali modelning o‘rindiq qismi. U yog‘och bo‘laklaridan, oralari ochiq qilib yasalgan. O‘rindiqdan bir vaqtning o‘zida umumiy og‘irligi 120kg bo‘lgan ikkita odam foydalansa bo‘ladi.
6 – sovutgichlar. Ularning vazifasi bir vaqtning o‘zida aluminiy korpusning yon tomonlaridagi teshiklar orqali batareyani sovutish hamda issiq yoz kunlarida foydalanuvchilarga salqinlik baxsh etish. Ular batareyaning pastki qismiga, alikafonga o‘rnatilgan.
7 – LED lampalari. Ular yordamida bemalol kechqurunlari ham o‘rindiqda o‘tirib dars tayyorlash, kitob o‘qish, noutbukda ishlash mumkin. Ular batareyaning pastki qismiga, alikafonga o‘rnatilgan.
8 – kontroller. U quyosh batareyasini tutib turuvchi to‘g‘ri burchakli ikkita po‘lat tayanchning orasiga mahkamlangan alikafonga o‘rnatilgan. U akkumulyatorning zaryadlanishini nazorat qiladi. Akkumulyatorda 15% dan kam zaryad qolsa, kontroller LED lampalarni va tashqi iste’molchilarni uzadi. Akkumulyatorning zaryadi to‘lganda, unga zaryad berilishini to‘xtatadi.
9 – rozedkalar. Ikki dona rozedka ham, quyosh batareyasini tutib turuvchi to‘g‘ri burchakli ikkita po‘lat tayanchning orasiga mahkamlangan alikafonga, kontrollerning yoniga mahkamlangan. Ular 24 soat davomida telefon, noutbuk, elektron soat, fotoapparat va shunga o‘xshash kichik qurilmalarni quvvatlantirish imkoniyatini beradi.
10 – kalit. U ham kontroller va rozedkalar yoniga o‘rnatilgan. Kalit orqali uch dona LED lapmalarini ishga tushirish mumkin.
11 – Noutbukda ishlash uchun stol. U o‘rindiqning o‘ng yon tomoniga o‘rnatilgan. Stol alikafondan yasalgan bo‘lib, ichi bo‘sh po‘lat ramkalarga o‘rnatilgan.
12 – akkumulyator va invertorni joylashtirish uchun quti. U o‘rindiqning ostki tomoniga, o‘rindiqning muvozanatini saqlash uchun o‘rnatilgan. Akkumulyator va invertorning xavfsiz saqlanishi uchun quti mustahkam temirdan yasalgan.
13 – o‘rindiqning oyog‘iga o‘rnatilgan tormozli g‘ildiraklar. Ular o‘rindiqni istalgan joyga, quyoshning tushish burchagiga moslab, qiyinchiliksiz ko‘chirish uchun foydalaniladi.