Termiz davlat universiteti tarix fakul’teti jaxon tarixi kafedrasi tarix o’qitish metodikasi

Savol va topshiriklar

1. 
   Ta’lim jarayonini insonparvarlashtirish, demokratlashtirish
   va integratsiyalashtirish g’oyasini amalga oshirishning asosiy omillari nimalarda deb o’ylaysiz?
   
2. 
   Har bir shaxsda mantiqiy tafakkur qobiliyatini uzluksiz ri-vojlantirishda insonparvarlik, demokratik va integratsion yondashishga erishish yo’llarini bilasizmi?
   
3. 
   Tarix ta’limida integratsion yondashish metodikasi amalga oshirilishi asosan qaysi jihatlarga bog’liq?
   
4. 
   O’zbekiston Respublikasining Birinchi Prezidenti I. A. Karimovning «O’zbekistonning o’z istiqlol va taraqqiyot yo’li» kitobida integratsion jarayonlarning qanday yo’llari belgilab berilgan?
   

Adabiyotlar:
1. Toshpo’latov T., G’afforov YA. Tarix o’qitish metodikasi. Toshkent, ”Universitet”, 1999
2. Gora P.V. Povisheniye effektivnosti obucheniya istorii v shkole.M., 1988 3. Pospelov N, Pospelov I. Formirovaniye mislitelnoy operatsii u starsheklassnikov. M., 1989
4. Babanskiy YU.Q Hozirgi zamon umumiy ta’lim maktabida o’qitish metodlari.T., 1990
5. Sa’diyev A. O’zbekiston xalqlari tarixini o’qitish.T., 1993.


8. Dars tahlilining maqsad va vazifalari
Reja:
1.Dars - o’quv va tarbiyaviy ishning asosiy tashkiliy shakli.
2.Zamonaviy tarix darsi, unga qo’yiladigan talablar. Tarix darslari mavzularining uzviyligi va didaktik jihozlanishi.


Tayanch so’z va iboralar.
Dars tahlilining maqsadlari va vazifalarq quyidagilarni o’z ichiga oladi: Maqsad:o’quv - uslubiy qo’llanmalarda tavsiya etilgan ilg’or tajribalarni amalga joriy etish: ta’lim usulining didaktik prinsiplariga amal qilish: ijodiy izlanuvchi o’qituvchilar tajribasini aniqlab ularni amalda qo’llash.

Tarix kursi oldiga qo’yilgan ta’lim – tarbiya vazifalarini amalga oshirishning eng muhim shartlaridan biri har bir sinfda o’qitiladigan tarix kursining tutgan o’rni, uning ta’lim-tarbiyaviy vazifalari, har bir bo’lim va bo’limdagi mavzular, hatto har bir darsda o’tiladigan mavzuning ham juz’iy vazifalari oldindan aniq belgilab olingandan keyingina tarix o’qitishga kirishish maqsadga muvofiq bo’ladi. O’rta ta’lim va o’rta maxsus ta’lim tizimida tarix o’qitishning maqsad va vazifalarini muvaffaqiyatli amalga oshirish birinchi navbatda o’qituvchining har bir darsning ta’lim-tarbiya vazifalarini oldindan aniq va to’g’ri belgilab ola bilishiga bog’liqdir. Bu ham, o’z navbatida, o’qituvchining darsning ta’lim-tarbiya vazifalarini to’g’ri belgilash metodi va usullari haqidagi nazariy bilim va malakalarining darajasiga bog’liqdir. Dars – o’quv ishining asosiy tashkiliy shakli bo’lib, unda o’qituvchi aniq belgilangan dars doirasida o’quvchilarning doimiy tarkibi bilan qat’iy jadval bo’yicha shug’ullanadi, jamoaviy bilish faoliyatiga rahbarlik qilib, o’quv dasturiga o’zi belgilaydigan didaktik va tarbiyaviy vazifalarga erishish uchun xilma-xil metodlardan foydalanadi. Dars o’quv ishini tashkil qilishning asosiy shakli, ammo u ta’limning boshqa shakllarini: leksiya, praktikumlar, laboratoriya mashg’ulotlari, seminarlar, konsul’tatsiyalar, uy vazifalari, qo’shimcha mashg’ulotlarni rivojlantirishni istisno etmaydi. Ta’limni tashkil etishning yordamchi shakllari fakul’tativ mashg’ulotlar sanaladi. Ular o’quvchilarning qiziqishlari asosida tashkil etiladi: to’garaklar, klublar, olimpiadalar, viktorinalar, ko’rgazmalar, ekspeditsiyalar va hokazolar. Dars o’quvchilarning doimiy tarkibi, mashg’ulotlarning aniq belgilangan ramkaga egaligi (har bir dars maktabda 40 minut, akademik litsey va kollejda 80 minut davom etadi); jadval oldindan tuziladigan va o’quv ishlari biror aniq mavzuda tashkil etilishi kabi o’ziga xosliklarga ega bo’lgan ta’limning jamoa shakli hisoblanadi. Darsda o’qituvchi bilan o’quvchining o’zaro munosabat jarayoni shaxsiy aloqaga asoslangan. Qituvchi darsda istisnosiz barcha o’quvchilarning faoliyatlarini yo’llaydi va nazorat qiladi, shuningdek, o’quvchilarning o’zlari orasidagi o’zaro aloqa va o’zaro kontrolni qo’llab quvvatlaydi. O’qituvchining darsdagi ishi barcha o’quchilarning darsning o’zidayoq o’rganilayotgan bilim asoslarini egallashlari, zarur ko’nikma va malakalarni hosil qilishlari uchun zamin yaratadi.