Termiz davlat universiteti qo‘lyozma huquqida

Tadqiqot ob’ekti bo‘lib, O‘zbekiston Respublikasi va jahon mamlakatlari tarmoqlar iqtisodiyoti hisoblanadi.
Tadqiqot predmeti bo‘lib, tarmoqlar iqtisodiyotini shakllanishi va rivojlanishida sodir bo‘ladigan iqtisodiy munosabatlar hisoblanadi.
Tadqiqot maqsadi va vazifalari. Iqtisodiyotni modernizatsiya qilish
sharoitida tarmoqlar iqtisodiyotini shakllanishi va rivojlanishida jahon tajribasi va undan O‘zbekiston sharoitida foydalanish imkoniyatlarining o‘rni, rivojlanish xususiyatlari va yo‘nalishlarining nazariy va uslubiy asoslarini takomillashtirishga qaratilgan ilmiy taklif va amaliy tavsiyalar ishlab chiqishdan iborat.
Qo‘yilgan maqsadga muvofiq tadqiqot ishining vazifalari etib quyidagilar belgilandi:
- tarmoqlar iqtisodining shakllanish va rivojlanishi mazmuniga bo‘lgan xorijiy va vatanimiz olimlarining ilmiy qarashlarini o‘rganish va tahlil qilish;
- rivojlangan mamlakatlar iqtisodining tarmoqlar tarkibi shakllanishini o‘rganish tahlili o‘ziga xos xususiyatlari va yo‘nalishlariga aniqlik kiritish;
- MDH mamlakatlarida tashqi savdo aloqalarining tahlili o‘rganish;
- Markaziy Osiyo mamlakatlari importi va eksportiga ta’sir etuvchi iqtisodiy omillar va rivojlanishining umumiyligi va uning o‘ziga xos xususiyatlarini aniqlash;
- O‘zbekistonda tarmoqlar sohasini rivojlantirish yo‘nalishlarini o‘rganish va uni baholash;
- Monopoliyaga qarshi siyosatning O‘zbekistonda sanoat mahsulotlarini eksportini kengaytirish va diversifikatsiya qilish uchun ahamiyati bo‘yicha amaliy takliflar ishlab chiqish;
- O‘zbekiston iqtisodiyotini rag‘batlantirish va tashqi savdo tarmoq tarkibini diversifikatsiya qilishning rivojlanish xususiyatlarining nazariy jihatlari va yo‘nalishlarini ilgari surish.
Tadqiqotning ilmiy yangiligi tarmoqlar iqtisodiyotini shakllanishi va rivojlanishida jahon tajribasi va undan O‘zbekiston sharoitida foydalanish imkoniyatlarining tutgan o‘rni, uning innovatsion shakllanishi va rivojlanishi jarayonlarini bozor iqtisodiyoti sharoitida o‘rganish, rivojlangan mamlakatlar iqtisodining tarmoqlar tarkibi shakllanishini takomillashtirishga oid takliflar va amaliy tavsiyalar ishlab chiqilganligida bo‘lib, bular quyidagilarda o‘z ifodasini topgan:
tarmoqlar iqtisodiyotini shakllanishining nazariy va uslubiy asoslari o‘rganilib, tarmoqlar iqtisodiyotini shakllanishi va rivojlanishida jahon tajribasini o‘rganish,mustaqil mualliflik talqini berilgan;
tadqiqotda tarmoqlar iqtisodiyotini shakllanishining omillari va boshqa xususiyatlarini hisobga olgan holda o‘rganib, uni rivojlanishining o‘ziga xos xususiyatlari ochib berilgan;
iqtisodiyotni modernizatsiyalash sharoitida mustaqil davlatlar hamdo‘stligi mamlakatlarida tarmoqlar tarkibini takomillashish tendentsiyalarini o‘rganilib, O‘zbekistonda tarmoqlar sohasini rivojlantirish yo‘nalishlariga ijobiy ta‘sir qilish yo‘llari aniqlangan;
tarmoqlar iqtisodiyotini shakllanishi va rivojlanishida jahon tajribasi va undan O‘zbekiston sharoitida foydalanish imkoniyatlarini rivojlantirish muammolari aniqlanib, ularni hal etish yo‘llari ko‘rsatib berilgan.