Termiz davlat universiteti magistratura bo‘limi “Iqtisodiyot va menejment” kafedrasi

Tarmoqlar tarkibini Surxondaryo viloyati misolida diversifikatsiya qilish imkoniyatlari

Oʻzbekiston iqtisodiyotini rivojlantirish strategiyasi diversifikatsiyalangan va raqobatbardosh iqtisodiyotni yaratishga, innovatsion texnologiyalar va bozorni boshqarishning yangi usullaridan foydalangan holda milliy resurslardan maksimal darajada foydalanishga yoʻnaltirilgan. Mamlakatning tashqi iqtisodiy faoliyati, xususan tashqi savdo sohasida amalga oshirilayotgan islohotlarning pirovard natijasi aholining turmush darajasiga bevosita oʻz ta’sirini oʻtkazadi.
2021-yilning yanvar-may oylari yakuni bilan respublikaning tashqi savdo aylanmasi (matnda TSA 180 129,7 ming. AQSh dollarini tashkil etib, 2020- yilga nisbatan 32 254,6 ming. AQSh dollariga yoki 21,8 % ga ko‘paydi.
Iqtisodiyotning real sektori tarmoqlari va korxonalarining barqaror va uzluksiz ishlashini ta’minlash uchun respublikada zarur resurslar bazasi yaratilgan. Eksport tarkibida sezilarli oʻzgarishlarga import tovarlarning oʻrnini bosadigan mahsulotlar ishlab chiqarish va sanoat ishlab chiqarishni diversifikatsiya qilish natijasida erishildi.

Shuningdek, qoʻshni davlatlar bilan oʻzaro aloqalarni mustahkamlash, mamlakatlarni ijtimoiy-iqtisodiy, savdo-sanoat hamda madaniy sohalardagi aloqalarini rivojlantirish borasida katta ishlar amalga oshirilayotganini koʻrish mumkin. TSAda soʻnggi yillarda katta oʻzgarishlar kuzatilyapti. Misol uchun, soʻnggi uch yilda TSA Qozog‘iston, Tojikiston bilan tashqi savdo aylanmasi oshgani kuzatilmoqda.

Boshqa davlatlar (qoʻshni davlatlardan tashqari) bilan esa, TSAda eng yuqori ulush Pokiston, Afg‘oniston, Qirg‘iziston Respublikasi, davlatlari hissasiga toʻgʻri kelgan.
Surxondaryo viloyati tashqi savdo aylanmasining uchdan bir qismi MDH davlatlariga toʻgʻri keladi va bu koʻrsatkich soʻnggi yillarda biroz oʻzgardi. Viloyatimizda tashqi savdoni qoʻllab-quvvatlash hamda MDH davlatlari bilan ushbu sohadagi hamkorlikni yanada mustahkamlash boʻyicha olib borilayotgan chora-tadbirlarga qaramay, 2021- yilning yanvar-may oylarida, tashqi savdo aylanmasida MDH davlatlarining ulushi 29,0 % ni tashkil etib, tashqi savdo aylanmasidagi 2020- yilga nisbatan ulushi 3,1 % ga ko‘payib 2019- yilga nisbatan ulushi 0,8 % ga kamaygan.
Surxondaryo viloyatining MDH mamlakatlari bilan tashqi savdo aylanmasi 2021- yil yanvar-may holatiga 52 247,8 ming. AQSh dollarini tashkil etdi. Shundan eksport – 17 816,0 ming. AQSh dollariga yetgan bo‘lsa, import – 34 431,8 ming. AQSh dollari qiymatida qayd etildi.
Surxondaryo viloyatining MDH mamlakatlari bilan tashqi savdo aylanmasining eng yuqori hajmlari Rossiya Federatsiyasi (34,1 %), Qozogʻiston (33,1 %), Ukraina (16,4 %), Qirg‘iz Respublikasi (7,4 %) va Tojikiston (6,0%) davlatlari bilan qayd etildi.
Joriy yilning yanvar-may oylarida viloyatning eksportyorlari soni 193 tani tashkil etib, ular tomonidan 85 240,9 ming. AQSh dollari (qimmatbaho metallar eksportidan tashqari) qiymatidagi (2020- yilning mos davriga nisbatan 1,9 % ga ko‘paydi) tovar va xizmatlar eksport qilinishi taʻminlandi.

Surxondaryodagi meva-sabzavot sektori mamlakat va hududlarning oziqovqat xavfsizligini ta’minlashda muhim segment hisoblanadi. Shuning uchun, bu sohada meva va sabzavot mahsulotlari ishlab chiqarishni jadal rivojlantirish uchun barcha choralar koʻrilmoqda, bu esa oʻz natijalarini bermoqda. Oziq-ovqat mahsulotlarining asosiy qismi boʻlgan 28 589,6 ming. AQSh dollari qiymatli 38 123,3 ming tonnadan ziyod meva-sabzavot eksport qilingan. Bunda 2020- yilning mos davriga nisbatan, 25,5 % ni tashkil etdi. Buning asosida 25 182,0 ming AQSh dollari miqdorida 34793,7 tonna sabzavot, shuningdek 2 012,8 ming AQSh dollari miqdorida 2 264,4 tonna meva va rezavorlar eksport qilindi. 2020- yil davri mos ravishda 29,6 % ni va meva va rezavorlarning pasayish darajasi 56,0 % ni tashkil etd
Meva-sabzavot mahsulotlarining asosiy eksport bozorlari Pokiston, Afg‘oniston, Rossiya Federatsiyasi, Qozog‘iston hamda Tojikiston davlatlari hissasiga toʻgʻri kelgan. Hukumat tomonidan qishloq xoʻjaligi va bogʻdorchilikni rivojlantirishga katta e‘tibor qaratilayotgani bois, 2021- yil yanvar-may oyida meva va sabzavotlarning umumiy eksportdagi ulushi 33,5 foizni tashkil etdi.
Meva va sabzavotlar eksportining qiymat jihatidan eng katta hajmi Pokistonga to‘g‘ri keladi (meva va sabzavotlar eksporti umumiy hajmining 42,2 % ), bu Afg‘onistonga eksport hajmidan 18,7 baravar ko‘pdir.
Toʻqimachilik mahsulotlari eksporti hajmining oshishi bevosita paxta xomashyosi oʻrniga tayyor mahsulot ishlab chiqarish va qoʻshimcha qiymat yaratish maqsadida amalga oshirilgan islohotlarning natijasi ekanini koʻrish mumkin. Jumladan, joriy yilda 43 946,9 ming. AQSh dollarlik toʻqimachilik mahsulotlari eksporti amalga oshirilib, umumiy eksportning 51,6 % ini tashkil etdi va oʻtgan yilga nisbatan 35,8 % ga kamaydi. Eksport qilingan toʻqimachilik mahsulotlari tarkibida paxtadan yigirilgan ip (90,2 %), tayyor trikotaj va tikuvchilik kiyimlari (5,0 %) asosiy ulushni egallagan. Toʻqimachilik mahsulotlarining eng katta ulushi Xitoy Xalq Respublikasi (27 768,0 ming. AQSh dollari – 80,6 %), Rossiya Federatsiyasi (2 471,4 ming. AQSh dollari – 7,1 %) va Pokiston (2 082,1 ming. AQSh dollari – 6,0 %) davlatlari hissasiga toʻgʻri keldi.
2021- yilning yanvar-may oylarida import hajmi 94 888,8 ming. AQSh dollarini va 2020- yilga nisbatan 47,7 % ni tashkil etdi. Import tarkibida eng katta ulush, sanoat tovarlari (40,7 %), mashinalar va transport asbob-uskunalari (35,1 %) hamda oziq-ovqat mahsulotlari va tirik hayvonlar (14,1 %) hisobiga toʻgʻri keldi. Tovarlar importi dinamikasi tahliliga koʻra, 2020- yilning yanvar-mayida import qilingan tovarlar hajmi, oʻtgan yilning mos davriga nisbatan 30 620,9 ming. AQSh dollariga kamayib, 94 829,8 ming AQSh dollarini tashkil etdi. Xizmatlar importi esa 59,0 ming. AQSh dollariga yetdi.
2021- yilning yanvar-may oylari yakuni boʻyicha Surxondaryo viloyati tomonidan 38 davlatdan tovarlar va xizmatlar importi amalga oshirildi. Importning uchdan bir qismi 80 959,5 ming. AQSh dollarini tashkil qildi.

Shundan Xitoy Xalq Respublikasi (jami import 33,8 % ulushi), Qozog'iston (14,0 %), Rossiya Federatsiyasi (10,0 %), Ukraina (8,4 %), Turkiya (7,8 %), Pokiston (6,2 %), Germaniya (5,2 %) kabi yirik hamkor davlatlarga to'g'ri keladi.
Viloyat importi tarkibida eng yuqori ulushni Muzrabot tumani 21,9 % ulush bilan 20 776,4 ming. AQSh dollarini tashkil etdi. Viloyat importi tarkibida eng quyi ulushni Bandixon tumani 0,01 % ulush bilan 8,0 ming. AQSh dollarini tashkil etdi.

XULOSA
Surxondaryo viloyati tashqi savdo tarmoq tarkibini takomillashtirish va ayrim mahsulotlarni diversifikatsiyalash maqsadida har bir tumanni alohida ko‘rib, ularning har birini imkoniyatlaridan, geografik jihatdan qaysi sohalarga yo‘nalishtirish mumkinligi va qanday sharoitlarda viloyatga daromad keltirish yo‘llarini ko‘rib chiqamiz.

TUMANLAR	SHART-SHAROITLAR	IMKONIYATLAR
Angor	Ob-havo issiqligi, yer unumdorligi	Issiqxona qurish orqali meva-sabzavotlar yetishtirishni yo‘lga qo‘yish, shu orqali qo‘shni davlatlarga eksportni ko‘paytirish
Boysun	Tog‘lar ko‘pligi, Omonxona bulog‘i	Turizmni rivojlantirish, Mehmon uylarni tashkillashtirish, asalarichilikni rivojlantirish, suv eksportini ko‘paytirish, kichik va katta idishlarda qadoqlash.
Bandixon	Transport jihatdan qulay joylashgan, barcha tumanlarga deyarli bir xil uzoqlikda.	Transport sohasini takomillashtirish zarur.
Denov	Tog‘li va cho‘l hududlarga yaqinligi, tadbirkorlik rivojlanganligi	Quruq mevalarning yirik bozorini tashkil qilish
Jarqo‘rg‘on	Tumanlar orasida tandir go‘sht markazi sifatida tanilgan	Tandir go‘shtni saqlash, qadoqlash, eksport qilishni yo‘lga qo‘yish
Qumqo‘rg‘on	Transport jihatdan qulay joylashgan, barcha tumanlarga deyarli bir xil uzoqlikda.	Transport sohasini takomillashtirish zarur.
Qiziriq	Sanoatni rivojlantirish uchun qulay hudud	Ilovaga qarang
Muzrabot	Turkmaniston bilan chegeradosh	Sanoatni rivojlantirish, ilovaga qarang
Sariosiyo	Geografik jihatdan turizmga hosligi	Turizmni yanada rivojlantirish, Samarqand-Toshkentga olib boradigan avtomobil yo‘llarini qayta tiklash, sihatgohlarni ko‘proq tashkillashtirish zarur
Uzun	Ko‘mir, uran kabi tabiiy boyliklarga ega ekanligi	Qazib olish ishlarini takomillashtirish
Sherobod	Ziyoratgohlarning mavjudligi, mevachilikka qulay sharoitlar mavjhudligi	Ziyorat turizm sohasini rivojlantirish zarur. Mevchailikni eksportini takomillashtirish kerak.
Sho‘rchi	Adirliklarni ko‘pligi	Fermalar tashkil qilib, fermerlik sohasini rivojlantirish kerak, shu orqali go‘shtga bo‘lgan talabni qondirish.
Termiz	Geografik jihatdan o‘ziga hosligi, doimiy infrastrukturalar mavjudligi	. Sanoatni rivojlantirish, ilovaga qarang
Termiz shaxar	Geografik jihatdan o‘ziga hosligi, doimiy infrastrukturalar mavjudligi	Ilm olish uchun qulayliklar yaratish, iqtisodiy xavfsizlikni ta’minlash orqali, qo‘shni mamlakatlar bilan aloqani yaxhilash.