Termiz davlat universiteti biologiya kafedrasi

Vazifa:

1. 
   Pigmentlarning spirtdagi eritmasini tayyorlash.
   
2. 
   Pigmentlarni ajratish.
   
3. 
   Pigmentlarning kimyoviy va optikaviy xususiyatlarini kuzatish.
   
4. 
   Jadvalni to’ldirish va xulosa.
   

18-laboratoriya ishi.Fotosintez intensivligiga tashqi muhit omillarining ta’sirini aniqlash.
Ko’pchilik hollarda fotosintez jadalligi havo oqimida CO₂ ning o’simlik tomonidan yutilish miqdoriga qarab aniqlanadi. Buning uchun maxsus qurilmadan foydalaniladi (6 rasm).
Mashg’ulotning maqsadi. Turli xil o’simliklarda fotosintez jadalligini yutilgan karbonat angidrid miqdorini hisobga olish usuli bilan aniqlash va tajriba asosida olingan ma’lumotlarga qarab xulosa chiqarish.
Kerakli asbob va reaktivlar. 0,1 normal NaOH eritmasi, 0,1 n HCI, fenolftaleinning spirtdagi eritmasi, izobutil spirti,tuvakda o’sayotgan o’simlik rezina naylari, qisqichlar, shisha naylar yoki 100 ml li silindr, Chesnokov yoki Rixter yutgichi, aspirator, barg kamerasi, byuretkalar, stakanlar, stakanchalar, oynaga yozadigan qalam, qaychi, qog’oz, tarozi va toshlar.
Ishni bajarish tartibi: Ishni bajarish uchun zarur bo’lgan hamma asbob va reaktivlar tayyorlangandan so’ng fotosintez jadalligini aniqlaydigan qurilma rasmda ko’rsatilganidek tartib bilan o’rnatiladi hamda rezina naylar bilan ulanadi (15-rasm).
Avval o’simlik bilan tajriba o’tkaziladi. Keyin esa o’simliksiz (nazorat) tajriba o’tkaziladi. Buning uchun yutgichga 100 ml 0,1 n NaOH eritmasi solinadi. Bunda ishqorning havo bilan ta’sirlashuviga yo’l qo’ymaslik kerak. Bu holning oldini olish uchun yutgich og’ziga bir varaq qog’oz qo’yib, qog’ozni teshib unga maxsus sistemadagi byuretka orqali ishqor quyiladi. So’ngra yutgichdagi ishqor ustiga ko’pik hosil qilish maqsadida 2-3 tomchi izobutil spirti tomiziladi. Yutgich rezina probka va nay orqali aspiratorga ulanadi.
Aspiratordan suvning oqib chiqish tezligi qisqich yordamida bir me’yorga keltiriladi.