Термиз давлат университети «ахборот технологиялари» кафедраси

5. Очиқ маълумотлар порталининг таълимга оид
саҳифасининг ресурслари
Ушбу бўлимда Ўзбекистон Республикаси таълим соҳасидаги маълумотлар тақдим этилган. Бу ерда сиз болалар боғчалари, бошланғич мактаблар, ўрта мактаб, мактаб-интернатлар, таълим, олий мактабда, коллеж, олий ўқув юртлари марказлари, бу ижтимоий-педагогик ориентация, ижтимоий-иқтисодий тенденциялари каби маълумотлар рўйхатини топишингиз мумкин.

11.5.-расм. Очиқ маълумотлар порталининг “Таълим” соҳасига оид саҳифаси

11.6.-расм. “Таълим” соҳасига оид саҳифадан энг кўп юкланган
маълумотлар тўплами
Ёдда тутмоқ лозим, Очиқ маълумотлар портали маълумотларидан фойдаланишда маълумотлардан фойдаланиш шартлари билан танишиб чиқиш тавсия этилади.
Халқаро тажриба
Ҳозирги кунда очиқ маълумотлар асосида яратилган ва ишлатилаётган жуда кўплаб сервислар ва иловалар мавжуд. Уларнинг барчаси турли вазифаларни бажаради:
Иш излашда ёрдам, йўлларда тиқилинчларни айланиб ўтиш ва бошқалар. Уларнинг ҳаммаси инсон ҳаёти учун зарур ва фойдалидир. Турли фойдали иловалар орасидан баъзиларини наъмуна сифатида кўрсатиш мумкин:
Citymapper - Лондон, Париж, Берлин, Сингапур, Лос-Анжелес, Мехико ва бошқа йирик шаҳарларда фойдаланиб келинаётган бепул сервис. Ушбу илованинг бошқа шунга ўхшаган иловалардан фарқи – жамоат транспортидан ташқари йўловчи ва велосипед йўналишларини белгилаш мумкин. Метро йўловчилари учун қулай вагон таклиф этилади. Шунингдек йўлга кетадиган вақт реал вақт режимида ҳолатдан келиб чиқиб аниқлаб берилади.

11.7.-расм. Citymapper сервиси
Wikipedia – бутун дунё бўйича керакли маълумот излаш учун фойдаланиладиган кўп тилли интернет-энциклопедия. Ушбу ишланма очиқ кодли дастурий таъминотга асосланган бўлиб, матнлар, тушунчалар, маълумотлар, расмлар ва хариталардан фойдаланиш имкониятини беради.
Zoopla – Буюкбритания кўчмас мулк портали. Харидорлар ва ижарачилар учун очиқ маълумотлардан фойдаланган ҳолда қийинчиликларсиз мақул кўчмас мулкни топишда ёрдам беради.
Портал UpMyStreet шаҳар сервиси билан боғланган. Бу ўз навбатида маҳсулотлар нарҳи, мактаблар рейтинги, ҳудуд ҳолати ва бошқа кўрсаткичлар бўйича кўчмас мулк топишни янада енгиллаштиради.
CycleStreets – вилосипедчилар учун йўлнинг ноқулай қисмларини айланиб ўтиб, А нуқтадан Б нуқтага қулай етиб олишга кўмаклашувчи илова. Сервис очиқ лицензияли OpenStreetMapга асосланган.
Adzuna – Иш изловчиларга кўмаклашиш сервиси. Ушбу қидирув тизими ўзида иш ўринларига оид Интернет тармоғида жойлаштирилган барча эълонларни йиғади. Сервис иш изловчиларни нафақат суҳбатга тайёрлайди, шунингдек иш ўрни учун рақабат даражаси ҳақида ҳам маълумот беради.

11.8.-расм. Adzuna сервиси


Топшириқ:

1. 
   Назарий қисмда берилган маълумотлар билан танишиб чиқинг ва дафтарингизга зарурий маълумотларни қайд этинг.
   
2. 
   Ўзбекистон Республикаси Очиқ маълумотлар портали танишиб чиқинг. Имкониятларини ўрганинг.
   
3. 
   Очиқ маълумотлар порталининг Таълим соҳасига оид саҳифасидаги маълумотлар билан танишинг.
   
4. 
   Маълумотлардан фойдаланиш шартларига риоя қилган ҳолда Таълим соҳасига оид бирор бир мавзуни компьютер хотирасига юклаб олинг.
   
5. 
   Барча бажарилаётган жараёнларни скриншотларини олинг.
   
6. 
   Зарурий маълумотларни дафтарингизга қайд этиб, скриншотларни бириктиринг.