Темир йыли давлатимизнинг асосий транспорт турларидан бири щисобланади

Юкларнинг таснифи. Ташиш жараёнида юкларни асрашни таъминловчи мақбул (оптимал) шарт-шароитларни аниқлаш, юк айланмасини режалаштириш ва ҳисобга олишни тўғри тартибга солиш, ортиш-тушириш фронтларини ва омборларини ҳамда ортиш-тушириш машина, механизм ва иншоотларини махсуслаштириш учун транспортда ташиладиган барча юклар таснифланади. Юкларни транспорт таснифининг илмий асосланган тизимини тузиш қуйдаги асосий қоидаларга риоя қилингандагина мумкин бўлади: таснифлаш аломатлари аниқ ифодаланганда; таснифлашни энг умумий аломатлардан бошлаб, токи энг тор аломатларга тадрижий ўтилганда; ҳар бир таснифлаш поғонасида фақат битта таснифлаш аломатларидан фойдаланилганда. Юқоридаги асосий қоидаларга риоя қилган ҳолда, темир йўл транспортида юкларни тўрт турдаги таснифлаш мавжуд, булар қуйидагилардан иборат:
а) юкларни транспорт таснифи;
б) юкларни махсус ўзига хос хусусиятларига ва ташиш шарт-шароитларига боғлиқ бўлган таснифи;
в) юкларни сақлаш шарт-шароитларига ва услубларига боғлиқ бўлган таснифи;
г) ортиш-тушириш ишларини меъёрлаш ва ҳисобга олиш учун юкларни таснифлаш.


Юкларни транспорт таснифи уларни турига ва ташишга тақдим этиладиган ҳолатига, ўровнинг тоифасига, маҳсулотни асрашни таъминловчи ортиш-тушириш ва ташиш усулларига мувофиқ тузилган. Юкларни транспорт таснифида барча юклар уч гуруҳга: қуруқ юклар, қуйиладиган юклар ва ҳайвонот юкларига бирлашганлар (1.3-расм). Транспорт тавсифномасини ва ташиш шароитларини яқин ва ўхшашлигига мувофиқ ҳар бир гуруҳ ўз навбатида гуруҳчаларга бўлинадилар.



ЮКЛАР

ҚУРУҚ

ҚУЙИЛАДИГАН







ҲАЙВОНОТ

СУЮЛТИРИЛГАН ГАЗ