Tema:Ózbekistan bazaar ekanomikasina ótiw jolı,huqıqiy tiykarlari hán bazar infrastrukturasin jaratiw Joba: Bazar ekonomikasına ótiw “Ózbek modeli” nelerge tayanadı Bazar infrastrukturasin jaratiw

Начало формы
3. Ózbekstanda bazar reformalarınıń mánisi, wazıypaları, túrleri hám
ústin túratuǵın baǵdarları.
Bazar ekonomikasına ótiw dáwirinde milliy ekonomikanı qáliplestiriw jáne onı tupten reformalaw mámleketimiz óz betinshe rawajlanıwınıń eń zárúrli faktorı ham tiykarın quraydı. Sosiallıq jóneltirilgen bazar ekonomikasına basqıshpa - basqısh ótiw prinsipin ámelge asırıw reformalawdıń tiykarǵı basqıshların anıqlaw, bul basqısh-lardıń hár biri ushın túpkilikli ózgerisler kompleksin belgilep alıwdı talap etedi. “Túpkilikli ózgerislerden názerde tútılǵan maqsetler - mámleket xaliqı ushın insanǵa múnásip bolǵan turmıs hám iskerlik sharayatın jaratıw, xaliqtı ruwxıy - ahloqiy tárepten qayta tiklew, ekonomikalıq, sosiallıq - siyasiy túraqlılıqtı támiyinlew - bolıp tabıladı”.
Ózbekstanda ekonomikalıq reformalardı ámelge asırıwınıń strategik maqsetleri hám negizgi baǵdarları I. Karimovtıń “Ózbekstan ekonomikalıq reformalardı tereńlestiriw jólında” atlı shıǵarmasında islep shıǵılǵan. Usı miynette Ózbekstanda ekonomikanı reformalaw salasındaǵı tómendegi strategik maqsetler mánisi ashıp berilgen:
1. Sosiallıq jóneltirilgen bazar ekonomikasın basqıshpa - basqısh qáliplestiriw;
2. Kóp ukladlı ekonomikanı jaratıw, insannıń múlkten júda bolıwına toqtatıw beriw;
3. Kárxanalar hám púqaralarǵa keń ekonomikalıq erkinlikler beriw;
4. Ekonomikada materiallıq, tábiyiy hám miynet resurslarınan nátiyjeli paydalanıwdı támiyinleytuǵın anıq strukturalıq ózgerisler etiw;
5. Adamlarda jańasha ekonomikalıq pikirlewdi qáliplestiriw, olardıń dúnyaǵa kóz - qarasın ózgertiw, hár bir adamǵa óz miynetin esaplaw tarawı hám formaların óz betinshe belgilew imkaniyatın beriw.
Bul strategik maqsetler hám reformalardı ámelge asırıw Ózbekstan ushın oǵada qúramalı sosiallıq - ekonomikalıq wazıypalardı sheshiwdi talap etdi. Málim bul baǵdarda bazar ekonomikasına ótiwdiń birinshi basqıshınan baslap eki zárúrli wazıypanı bır jóla sheshiwge túwrı keldi:
1). Basqarıw - búyrıqpazlıq sistemasınıń salmaqlı saldarların jeńiw, tańliqqa toqtatıw beriw, ekonomikanı turaqlılastırıw;
2). Respublikanıń ózine xos sharayatları hám belgilerin esapqa algan halda bazar qatnasıqlarınıń negizlerin jaratıw.
Bul wazıypalardı sheshiw ushın birinshiden, ekonomikalıq reformalardıń baslangısh dáwirinde - aq bazar ekonomikasınıń huqıqıy tiykarların belgilep beretuǵın bes baǵ-dardaǵı 100 ge jaqın nızamlar qabıllandı: