Tema:Ózbekistan bazaar ekanomikasina ótiw jolı,huqıqiy tiykarlari hán bazar infrastrukturasin jaratiw Joba: Bazar ekonomikasına ótiw “Ózbek modeli” nelerge tayanadı Bazar infrastrukturasin jaratiw

Birinshiden, ekonomikanı ideologiyadan putkinley ajıratıw. Ekonomika siyasattan ústin turıwı, onıń ishki mazmunın payda qılıwı kerek. Áyne ekonomika, onı jáne de rawajlandırıwdıń máseleleri mámleketlik siyasatınıń mazmunın payda etiwi kerek. Bul prinsip ekonomikalıq iskerliktiń baslanǵıshı ekenliginen kelip shıǵadı. Sebebi materiallıq baylıqlar jaratıw insaniyat ámeldegi bolıwınıń eń ápiwayı hám usınıń menen birge eń tiykarǵı shárti. Ekonomikalıq rawajlanıw sosiallıq rawajlanıwdı támiyinleydi. Bazar ekonomikasınıń tiykarǵı belgisi bul ekonomikalıq iskerlik erkin-ligi bolıp tabıladı. Klassik mektep tiykarlawshısı A. Smittiń “Hár qanday óndiris natiyjeliliginiń tiykarǵı faktorı bul ekonomikalıq erkinlik bolıp tabıladı” - degen pikri búgingi kúnde da aktual bolıp tabı-ladı. Xalqtı zárúriyatın qandırıwshı, onıń keleshegin isenimli etiwshi tiykarǵı qural ekonomikalıq iskerlik bolıp tabıladı.
Ekinshiden, qúramalı ótiw dáwirinde mámlekettiń ózi bas reformator bolıwı zárúr. Mámleketlik pútkil xalqtıń mafaatların wazıypa etip qoya otırıp, túpkilikli ózgerisler prosessiniń baslamashıları bolıwı, ekonomikalıq rawajlanıwdıń jetekshi baǵdarlarını belgilewi, ekonomikada, sosiallıq tarawda hám suverenli mámleketimizdiń sosiallıq - siyasiy túrmısında túpkilikli ózgerislerdi ámelge asırıw siyasatın islep shıǵıwı hám izbe - iz ámelge asırıwı kerek. Ótiw dáwirdiń quramaliliǵı hám jáhán tájiriybesi ekonomikanı mámleketlik tárepinen tártipke salıp turıw zárúr ekenligin kórsetip atır. Ózbekstandı sosiallıq bazar ekonomikasına ótiwi oǵan soqır - korona ótiwdi emes, bálki materiallıqlasqan tárizde ótiwdi talap etedi. Bul dáwirde mámlekettiń ekonomi-kaǵa tásiri jáne de zárúrli áhmiyetke iye boladı. Mámleketlik óz iskerligi menen sosiallıq - ekonomikalıq qarama - qarsılıqlar kelip shıǵıwınıń aldın alıw ushın xalıqtı sosiallıq tárepten qorǵaw menen birge, ekonomikanıń zárúrli tarawların qollap - quwatlawı, bahanı, salıq, subsidiya hám dotasiyalar arqalı óndiristi xoshametlewi jáne sosial tárepten rawajlanıwınıń tiykarǵı baǵdarların belgilep beriwi zárúr. Bazar ekonomikasına xos huqıqıy hám ekonomikalıq mexanizmlerdiń ekonomikalıq iskerlikke tásiri kúsheyip barǵan sayın mámlekettiń ekonomikaǵa tásiri sheklenip baradı.