Tema: Pedagogikaliq pa`nlerdi oqitiw protsessi bir pu`tin dizim sipatinda Joba

Pedagogika pa`nlerin oqitiw protsessinde oqiwshilardin` xizmeti.  Bilim aliw xizmetinin` o`zine ta`n ko`rinisi sipatinda belgili du`zilis, shinig`iw ha`m belgili ta`jiriybe tiykarinda minez-quliq ha`mde xizmet ko`nlikpe, epliliklerdin` bekkemlenip, bar bilimlerinin` rawajlanip, bayip bariw protsessi esaplanadi. Bilim aliwdin` za`ru`r komponenti motiv, yag`niy, ta`limiy xarakterdegi ha`reket yag`niy xizmetti sho`lkemlestiriwge qarag`anda xoshametti seziw, iqtiyajdin` ju`zege keliwi.

Oqiwdin` keyingi komponenti oqiw ha`reketleri (operatsiyalari) sanalip, olar an`lang`an maqsetke ko`re a`melge asiriladi. Oqiw hareketleri oqiw protsessin sho`lkemlestiriwdin` barliq basqishlarinda ko`rinedi. Ha`reketler sirtqi (baqlanatug`in) ha`m ishki (baqlanbaytug`in) ko`riniste boliwi mu`mkin. Sirtqi oqiw ha`reketlerge predmetli ha`reketler (jaziw, su`wret siziw, ta`jiriybeler o`tkeriw); pertseptivaliq ha`reketler (tin`law, pikirlew, baqlaw, seziw) ha`mde so`ylewden paydalaniw kiredi.

Ishki (mnemonikaliq, yunanshadan «mnemonikon» -eslep qaliw ma`deniyati) ha`reketlerge materialdi eslep qaliw, oni ta`rtipke saliw ha`m sho`lkemlestiriw, sonin` menen birge, oylaw ha`m pikirlew ha`reketleri (intellektual) kiredi.

Ha`r qanday bilimdi o`zlestiriwde talabalardan qabil etiw  ma`deniyatina iye boliw ha`m oqiw materialin an`lap jetiwdi talap etedi. Pedagogikaliq protsesste talabalar ta`repinen ilimiy bilimlerdin` ma`nisin jeterli da`rejede tu`sinbew, tek dawislar birligi sipatinda qabil qiliniwi ha`m yadlap aliniwi qa`wipli.

Talabalardin` ilimiy bilimlerin olardin` ma`nisin toliq tu`singen jag`dayda o`zlestiriw sha`rtleri menen tanistirip, olarg`a o`zin - o`zi qadag`alawdin` ma`nisi ha`m a`hmiyetin tu`sindiriw maqsetke muwapiq. O`zin - o`zi qadag`alawda talabalar olar qollaytug`in aqiliy miynet qurallarinin` na`tiyjeligin, sonin` menen birge, o`z miyneti na`tiyjelerin bahalawi kerek.