Tema: Pedagogikaliq pa`nlerdi oqitiw protsessi bir pu`tin dizim sipatinda Joba

Lek-3

Tema: Pedagogikaliq pa`nlerdi oqitiw protsessi bir pu`tin dizim sipatinda

 

Joba:

 

1. 
    Pedagogikaliq pa`nlerdi oqitiw protsessi bir pu`tin dizim sipatinda.
   
2. 
   Pedagogikaliq pa`nlerdi oqitiw funktsiyalari.
   
3. 
   Oqitiwshi ha`m talabalardin` ta`lim protsessindegi xizmetleri.
   
4. 
   Oqitiwshi xizmetinin` waziypasi ha`m du`zilisi.
   

 

1. Pedagogikaliq pa`nlerdi oqitiw protsessi bir pu`tin dizim sipatinda. Ta`lim tu`sinigi ha`m ma`nisi. Ta`lim dizimli bilim aliwdin` en` za`ru`r ha`m isenimli usili. Ta`limge eki ta`repleme baylanis (ta`lim aliw ha`m ta`lim beriw), shaxsti ha`r ta`repleme rawajlantiriw ha`m basqa o`zgesheliklerden ibarat. Ta`lim oqitiwshi ta`repinen basqariliwi o`zine ta`n an`law protsessi bolip esaplanadi. Oqitiwshinin` bag`darlawshi sipatinda roli talabalardin` aqiliy ha`m do`retiwshilik qa`biletlerin rawajlandiriwdi ta`miyinlewshi bilim, eplilik ha`m ko`nlikpelerdi toliq o`zlestire aliwlarinda ko`rinedi.

Ta`lim oqitiwshinin` talabalar menen so`ylesiwi protsessi ha`m sanaladi. Ol talabalarg`a oqiw materiali mazmunin tu`sindirip beredi, soraw ha`m tapsirmalar beredi, olardin` xizmetin qadag`alaydi, qa`te ha`m kemshiliklerin aniqlaydi, jol qoyilg`an qa`telerdi durislaydi, qanday islew tiyisligin qayta ko`rsetedi. Ha`r qanday ta`lim o`zinde oqitiwshi ha`m talabanin` xizmeti, yag`niy, oqitiwshinin` u`yreniw ha`mde talabanin` u`yreniwine bag`darlang`an xizmeti, basqasha aytqanda tuwridan tuwri, tikkeley qatnasiq sa`wlelenedi.

Pedagogika pa`nlerin oqitiw protsessinde oqitiwshi ha`m talaba ortasinda o`z-ara so`ylesiw ju`zege keledi. «So`ylesiw» tu`sinigi «ta`lim» tu`siniginen ko`re ken` ma`niske iye.

Ta`lim talabalarg`a teoriyaliq bilim beriw tiykarinda olardin` bilim qa`biletlerin o`stiriw, olarda a`meliy bilim ha`m ko`nlikpeler, sonin` menen birge, du`n`yaqarasin qa`liplestiriwge bag`darlang`an protsess.

Ta`lim ha`m pedagogikaliq pa`nlerdi oqitiw protsessi (didaktikaliq protsess) sinonim tu`sinikler emes. Protsess bul bir pu`tin pedagogikaliq qubilis, pedagogikaliq xizmettin` quramali bo`legi sipatinda ta`lim diziminin` belgili xalatin o`zlestiriw esaplanadi.  Protsess ma`nisin V.P.Bespal`konin`  to`mendegi formulasi tiykarinda toliq an`law mu`mkin:

DJ = M +Tf+B

Bul jerde ; DJ – didaktikaliq protsess;

M – talabalardin` oqiw (ta`lim aliw) motivatsiyasi;

Tf –talabalardin` o`zlestiriw xizmeti;

B –talabalardin` biliw xizmetlerin basqariw.