Tema: Kishi jastaǵi oqıwshilarda ilimiy du`n`ya qarastin` elementlerin rawajlandiriwda ana tilin u`yretiwdin` ahmiyeti

IV. Gúrriń dúziw.

Oqıwshılar jazıw taxtasındaǵı gáplerdi oqıydı. Olardıń jaylasıwında tártip joq ekenligin, bular ele gúrriń payda qılmaslıǵın aytadı. Sonnan keyin oqıtıwshı tómendegi sorawlarǵa juwap aladı:

- Gúrriń payda bolıwı ushın ne qılıw kerek?

- Gúrrińdi qaysı gápten baslaw lazım?

- Onnan keyin gúrrińde ne haqqında aytıladı?

- Qumırısqa ne qıldı? Gúrriń ne menen tamamlandı?

- Oqıwshılar tańlaǵan gáplerdi oqıydı.

Oqıtıwshı lazım tapsa, hár bir sorawǵa tabılǵan gápti jazıw taxtasına jazıp baradı.

V. Jumıstı juwmaqlaw.

Oqıtıwshı:

- Biz izbe-izligi buzılǵan (aralas) gáplerden ne dúzdik? (Gúrriń)

- Biz bunı qalay orınladıq? (Gáplerdi mazmunına qarap tártip penen jaylastırdıq)

- Bul gúrrińge qanday tema qoyıw múmkin? «Kúsh birlikte» degen tema durıs bolama? – dep oqıwshılardan soraydı.

Mine usınday awızeki orınlanǵan jumıstı dápterge jazıw ushın gúrriń tolıq yamasa onnan eki gáp kóshiriledi yamasa aytıp turıp jazdırıladı, sebebi usınday etilgenda oqıwshılar shınıǵıwdıń maqsetin awızeki túsinip alıp, aytıp beriwde mazmunnıń baylanısına, izbe-izligine áhmiyet beriwdi úyrenedi.

Bayan jazıp bolınǵannan soń, qaǵıydası tákirarlanǵan sózdiń astına sızıw tapsırılıwı múmkin. Joqarıda kórsetilgen jumıs túri, yaǵnıy gáplerdi bir-birine baylanıstırıp jazıw usılı oqıwshılardı bayan jazıwǵa tayarlaydı.

Bayan túri ápiwayı bolsa da, onı jazıwda awızeki hám jazba túrde kórsetiwde ádebiy til normalarına ámel qılıw hám de imla qátelerge jol qoymawǵa úyretiw kerek.

Erkin bayan ótkeriwdiń birinshi sabaǵında oqıwshılardı basqa sózlerdi isletpewge, rejedegi sorawlarǵa juwap beriwde asıqpawǵa úyretiw kerek. Sebebi bul bilimlendiriwshilik xarakterdegi tiykarǵı jumıs esaplanadı.

Oqıtıwshı oqıwshılardıń gúrriń haqqındaǵı túsiniklerin tómendegi sorawlar arqalı tekseredi: «Ana tawıq ne ushın tınıshsızlandı? Ol shójelerin nege jasırdı? Ana tawıq ne qıldı?»