Tema: Kishi jastaǵi oqıwshilarda ilimiy du`n`ya qarastin` elementlerin rawajlandiriwda ana tilin u`yretiwdin` ahmiyeti

III. Bólimlerge tema qoyıw.

Oqıtıwshı oqıwshılarǵa: «Házir biz reje dúziwdi úyrenemiz. Búgin men bayanǵa reje dúzbedim. Hámmemiz birgelikte gúrrińniń hár bir bólimine sáykes tema tabamız», dep eskertedi.

Balalar tekst bólimlerine qarap, reje tórt temadan ibarat bolıwın anıqlaydı.

Hár bir bólim oqılıp, onıń mazmunı túsindiriledi. Birgelikte tema tabıladı. Tema tabıw ushın oqıtıwshı usınday qosımsha sorawlar beredi: «Ekinshi gápte Pirimbet ata haqqında nelerdi bildińiz?», «Kim kóshede oynap júrgen edi?». Mine usı úzindiniń hámmesine «Pirimbet atanıń kiyatırǵanın kim kórdi?», dep soraw beriw múmkin.

Oqıwshılar gúrriń tekstin jazıp atırǵanda tekst olardıń kóz aldında bolıwı lazım. Olardan sorawlarǵa tekstte bar bolǵan sóz hám gápler arqalı juwap beriwdi talap qılıw múmkin emes. Bayannıń bul túri ushın 2-klass sabaqılıǵındaǵı tekstlerden paydalansa boladı. Oqıwshılar sorawlarǵa juwap beriwde anıq pikirlew menen gúrriń mazmunın túsinip aladı. Álbette, bul oqıtıwshı basshılıǵında ámelge asırıladı.