Tema: Kishi jastaǵi oqıwshilarda ilimiy du`n`ya qarastin` elementlerin rawajlandiriwda ana tilin u`yretiwdin` ahmiyeti

V. Jazıwǵa tayarlıq.

Eger tekst jazıw taxtasına yamasa kartonǵa jazılǵan bolsa, oqıwshılar onı ishinde oqıydı. Sonnan soń ayırım sózlerdi (jaǵdayǵa, miyrimi, dárhal, shópti, apattan, kórip) buwınlap aytadı yamasa olardıń imlasın túsindiredi. Oqıwshılarǵa reje tiykarında jazıw ushın oylawǵa waqıt beriledi. Jazıw taxtasındaǵı tekst jabıladı. Tekst mazmunın eslewde oqıwshılar tárepinen aytılǵan imlası qıyın sózlerden eki-úshewin oqıtıwshı jazıw taxtasına jazıp qoyadı.

Úshinshi klass oqıwshılarınıń bayanların teksergende oqıtıwshı barlıq imla qátelerin dúzetiwi shárt emes, al diktant hám basqa qadaǵalaw jumıslarındaǵı qátelerdi kórsetiwde qollanǵan usıllardan paydalanıwı da múmkin.

Úshinshi klasta bayanlardıń dodalawına arnawlı sabaq ajıratpay, náwbettegi ana tili sabaǵında bayan tekstiniń mazmunın jarıtıwda hám gáplerdi dúziwde jol qoyılǵan qátelerdi dúzetiw jumısına 12-15 minut waqıt ajıratıw jeterli. Oqıwshılardıń bayanda jol qoyatuǵın qáteleri ústindegi jumıstı usınday rejelestiriw kerek, bul ana tili sabaǵında náwbettegi grammatikalıq imla boyınsha shınıǵıwlar menen qosılıp ketsin.