Тема: Анатомия панинин классификациясы рауажланыу тарийхы хам уйрениу методы

Kishi jınısıy erinler (labia pudenda minora)
Kishi jınısıy erinler úlken jınısıy erinlerdiń ishki tárepinde jaylasadı hám olardan kishkene erin qarıǵı járdeminde ajıraladı.
Kishi jınısıy erinler teri búrmesi esaplanadı. Olardıń erkin shetleri tómenge qarap buralıp turadı. Sonıń menen birge hár bir erinniń aldınǵı ushı ekewden bólekke ajıraladı. Bóleklerdiń ishki (medial) táreptegisi ekinshi táreptegi sonday bólek penen birgelikte klitorǵa jabısadı, sırtqı táreptegi bólekler bolsa klitordıń artına ótip onıń ústinde bir-biri menen qosıladı.
Kishi erinlerde mayda may bezleri boladı. Bezshe nayshaları eki erin ortasındaǵı qınnıń kirerligi dálizi dep atalıwshı tarıraq aralıqqa ashılǵanı ushın
kirerliktiń mayda bezleri dep ataladı. Qın kirerligine bezlerden basqa sidik shıǵarıw kanalı da ashıladı. Dáliz arqalı qınǵa kiriledi.
Kishi erinlerdiń aldınǵı tárepinde klitordan azmaz (2 sm) pásirekten birinen keyin biri jaylasqan eki tesik bar. Bulardan birinshisi sidik shıǵarıw kanalınıń sırtqı tesigi bolıp, shetleri sırtqa birqansha bórtip shıǵıp turadı, ekinshi úlkenirek tesik bolsa qın tesigi esaplanadı. Kishkene uyatlı erinler ózekleri menen qızlıq perdesi arasındaǵı qarıqqa (eki qaptaldan) dálizdiń úlken bezleri yaki Bartolin bezi jolları ashıladı. Diametri 10-12 mm, oval formadaǵı qızǵısh –sarı rendegi bul bezler erkeklerdegi Kuper bezlerine uqsaydı.
Háyellerdiń sırtqı jınısıy aǵzalarında hám erkeklerdiki sıyaqlı gewek deneler bar, lekin olar jaqsı rawajlanǵan emes hám shuqırlıqta jaylasqan. Bunday gewek denelerdiń biri klitor, ekinshisi dáliz piyazshası.

Háyellerdiń sidik shıǵarıw kanalı

Háyellerdiń sidik shıǵarıw kanalı (urethra feminina) erkeklerdikine salıstırǵanda pútkilley basqasha dúzilgen. Háyellerdiń sidik shıǵarıw kanalı júdá qısqa 2,5-3,5 sm bolıp, erkekler kanalınıń prostata bólimine tuwrı keledi hám keń boladı. Kanaldıń diywalı ádewir sozılıwshań. Arqa tárepten sidik kanalına qın taqalıp turadı. Kanaldan sidik ótpegen waqıtta onıń aldınǵı hám arqa diywalı bir- birine tiyip turadı. Kanaldıń ishki tesigi hám sidik jınısıy diafragmanı tesip ótken bólimi qısıwshı (taraytırıwshı) bulshıq et penen oralǵan.
Kanal sırtqı tárepke qaray tarayıp barıp, óziniń sırtqı tesigi járdeminde qınnıń dálizine ashıladı.
Kanal diywalı ústinbe-ústin jaylasqan sliz, sliz astı hám bulshıq et qabatlardan dúzilgen. Sliz qabatında mayda sliz bezleri bar, olar uzınına ketken búrmelerde ornalasqan. Sliz astı qabatında qan tamırları jaylasqan.