Тема: Анатомия панинин классификациясы рауажланыу тарийхы хам уйрениу методы

Kuper bezleri

(glandulae bulbourethralis)
Sidik shıǵarıw kanalı piyazshasınıń bezleri yaki Kuper bezleri dep atalıwshı bir jup bezler domalaq, qattıraq bolıp, úlkenligi noqattay boladı. Olar bir-birine jaqın turadı hám kanaldıń perde bóliminiń arqasında, erkeklik aǵza piyazshasınıń ústinde jaylasqan.
Olardıń nayshaları jińishke hám ádewir uzın bolıp, erkeklik aǵza piyazshasınıń ishinen ótip, sidik shıǵarıw kanalınıń piyazsha qarsısındaǵı bólimge ashıladı.

Prostata bezi

Prostata bezi (glandula prostata) sidik shıǵarıw kanalınıń baslanǵısh bólimin óz ishine alıp quwıqtıń astında jatadı. Qızǵısh reńdegi bul bez júdá quramalı dúziliske iye. Onıń keńirek tárepi tiykarı hám tarayǵan tárepi (shoqqısı) ajıratıladı.
Bezdiń tiykarı joqarıǵa, al shoqqısı tómenge qaraǵan halda turadı. Ol eki oń hám shep bóleklerge bólinedi.
Prostata beziniń (úlken adamlarda) uzınlıǵı orta esapta 3 sm, keńligi 4 sm hám eń qalıń jeri 2 sm awırlıǵı shama menen 20 g keledi.
Prostata beziniń arqa júzi tuwrı ishektiń aldınǵı diywalına tiyip turadı. Sonıń ushın onı tuwrı ishekke barmaqtı tıǵıp uslap kórip formasın hám úlken kishiligin anıqlaw múmkin.
Prostata bezi 30-50 mayda bezsheler jıyındısınan ibarat bolıp, olardıń shıǵarıw jolları nayshaları sidik shıǵarıw kanalınıń prostata bólimindegi tuqım dóńiniń eki qaptal tárepindegi qarıqshalarǵa ashıladı.
Prostata bezi spermatozoidlardı jetilistiriwshi, aktivlestiriwshi zat (sperma suyıqlıǵınıń bir bólimin) islep shıǵaradı, bez bulshıq etleri bolsa sidik shıǵarıw kanalınıń baslanǵısh bólimin qısıp turıw ushın xızmet etedi.
Jas balalarda prostata beziniń bulshıq et bólimi kóbirek rawajlanǵan boladı. Lekin jası úlkeyiwi menen onıń bez bólimi qáliplesip barıp er jetkende bezdiń 50%-in quraydı.

Háyellerdiń jınısıy aǵzaları

Háyellerdiń jınısıy aǵzaları ishki hám sırtqı jınısıy aǵzalar bolıp ekige bólinedi.
Ishki jınısıy aǵzaları: máyeklikler, jatır nayları, jatır hám qınnan ibarat. Sırtqı jınısıy aǵzalarına bolsa, úlken uyatlı erinler, kishi uyatlı erinler, klitor hám qızlıq perde jatadı.
Máyeklik (ovarium)
Háyeller jınısıy aǵzalarınıń ishinde máyeklik tiykarǵı orındı tutadı. Bul bez bir jup bolıp, uzınsha formada jatır naylarınıń astında kesesine jaylasqan. Onıń joqarıǵa hám tómenge qaraǵan eki júzi, aldınǵa hám arqaǵa qaraǵan eki qırǵaǵı ajıratıladı. Joqarı ushı jatır nayına qarap turǵanı ushın jatır nayı táreptegi ushı dep júritiledi. Tómengi ushı biraz tarayǵan bolıp, jatır tárepte turǵanlıǵı sebepli jatır
táreptegi ushı dep ataladı. Bul ushı arnawlı máyeklik baylamı járdeminde jatırǵa tartılǵan.