Тема: Анатомия панинин классификациясы рауажланыу тарийхы хам уйрениу методы

47-súwret. Hayallardıń ishki jınısıy aǵzaları.

1. 
   máyeklik; 2-jatır nayı; 3-follikulalar; 4-sarı dene; 5-jatır diywalı; 6-jatırdıń silekey qabatı; 7- qın; 8-sırtqı kirerlik; 9-jatır.
   

Qın (vagina)
Jatır moynı hám úlken uyatlı erinler jarıǵı arasındaǵı bólimdi bir-birine qosıp turǵan kanalǵa qın delinedi. Qın taq aǵza bolıp, kórinisi nayǵa usaydı. Ol kishi shanaq boslıǵında jaylasqan. Qınnıń ústingi tárepine jatır moynı shuqır kirip turadı, tómengi tesigi bolsa jınısıy erinler arasınan sırtqa ashıladı. Azmaz arqa tárepke iyilgen bul kanaldıń uzınlıǵı shama menen 8 sm bolıp, onıń aldınǵı hám arqa tárepleri ajıratıladı. Ádette bul diywallar bir-birine tiyip turadı. Jatır moynınıń aqırǵı (tómengi) bólimi qın ishine shuqır kirgeni ushın usı moyın átirapında gúmbez formasındaǵı aldınǵı hám arqa boslıqlar, shuqırlıqlar payda boladı.
Qızlar qınınıń sırtqı tesigi sheńber formasındaǵı sliz perde búrmesi menen bekitilgen hám sheńberdiń ortasında kishkene tesik boladı.
Usı sheńber tárizli perde qızlıq perdesi delinedi. Tuwǵan háyellerde bul perde ornında aylana tompaqshalar qaladı. Qın diywalınıń ishki sliz qabatı bir neshe kese búrmelerdi payda etedi. Sliz qabatta anda-sanda ushıraytuǵın limfa túyinlerinen basqa bezler joq.
Qın diywalınıń ekinshi qabatı bulshıq etten ibarat bolıp kesesine hám boylama jaylasqan, óz-ara biytártip túrde shatasıp ketken, bulshıq et talshıqların óz ishine aladı.
Qın sırtınan tıǵız fibroz perde menen oralǵan.


Úlken jınısıy erinler (labia pudenda majora)
Shat hám put tusların sonday-aq eki sannıń ishki (medial) tárepin qaplaǵan teri, jınısıy tusqa kelgende eki úlken búrme payda etedi. Áne usı teri búrmeleri úlken jınısıy erinler dep ataladı, onıń uzınlıǵı 7-8 sm, eni 2,5 sm keledi. Teri búrmeleri ishinde biriktiriwshi toqıma hám may toqımaları (gewek dene) kóp boladı. Erinler aldınǵı hám arqa tárepte bir-biri menen múyesh payda etip qosıladı. Úlken uyatlı erinlerdiń terisi ishki (medial) tárepke ótken sayın juqalasıp baradı hám ishkerige qayrıladı, sońın ala sliz perdege aylanıp ketedi. Sonıń ushın
onıń medial tárepi qızǵısh reńde boladı.
Eki úlken erinlerdiń ortasında payda bolǵan jarıq uyatlı jarıq dep ataladı. Shattıń tusı menen úlken erinlerdiń aldınǵı yarımı jún menen qaplanǵan.
Úlken erinlerdiń ústingi bóliminde hám shattıń tusında jatırdıń dóńgelek baylamı tamamlanadı.