Тема: Анатомия панинин классификациясы рауажланыу тарийхы хам уйрениу методы

Shep qarınshanıń tesikleri

1. 
   Shep bólmeshe menen shep qarınsha arasında ornalasqan tesik- artioventrikulyar tesik dep ataladı. Bul tesikte eki tabaqalı shatır tárizli qaqpaqlar (klapan) ornalasqan. Bul qaqpaqlar júrektiń ishki qabatınan dúzilgen bolıp, arnawlı sińirler járdeminde qarınsha ishindegi sorıǵısh tárizli bulshıq etke birlesedi.
   

Atrioventrikulyar tesik ashıq turǵan waqıtta eki tabaqalı qaqpaqlar qarınsha ishine salbırap turadı. Bul qaqpaqlardıń ashılıwına sorıǵısh tárizli bulshıq etlerdiń qısqarıwı sebepshi boladı. Sorıǵısh tárizli bulshıq etler qısqarǵanda sińirler qaqpaqlardı tómenge tartadı hám tesik ashıladı. Sorıǵısh tárizli bulshıq etler bosasqan waqıtta miokardtıń qısqarıwı nátiyjesinde qaqpaqlar kóteriledi hám shep bólme menen shep qarınsha arasındaǵı tesik bekitiledi. Bul waqıtta sińir tartısıp qaqpaqlardıń bolme tarepke ashılıwına jol bermeydi. Solay etip shep bólmeshe
ge túsken qan artrioventrikulyar tesiktegi qaqpaqlar ashılǵan waqıtta shep qarınshaǵa túsedi. Júrek qısqarǵan waqıtta bolsa bul tesik bekitilip qandı shep
bólmeshege ótkermey qoyadı. Bunda qan shep qarınshadaǵı ekinshi tesik arqalı aortaǵa shıǵadı.

2. 
   Shep qarınsha menen aorta arasında ekinshi tesik-aorta tesigi ornalasqan. Bul tesiktede qaqpaqlar ornalasıp olar yarımay tárizli qaqpaqlar delinedi. Yarımay tárizli qaqpaqlar úsh dana bolıp qalta kóriniste dúzilgen. Júrek qısqarǵan waqtında ondaǵı qan, esikti iyterip ashqanday yarımay tárizli qaqpaqlardı tamır diywalı tárepke iyterip ashadı. Bul waqıtta qaqpaqlar aorta diywalına jabısadı. Júrek bosasıp baslaǵan waqıtta yarımay tárizli qaqpaqlar ishine qan kirip, olardı júrek tárepke iyteredi, hám usı taqılette aorta tesigin bekitedi.
   

1. 
   Oń qarınsha menen oń bólme arasında ornalasqan tesik shep qarınshadaǵı taqılette atrioventrikulyar tesik delinedi. Bul tesik úsh tabaqalı shatır tárizli qaqpaqlar menen táminlengen. Bul qaqpaqlardıń dúzilisi hám ashılıp jabılıwı eki tabaqalı qaqpaqlardikine uqsas.
   
2. 
   Oń qarınsha menen ókpe arteriyası arasında arteriya tesigi ornalasqan. Bul tesik aorta tesigine uqsas yarım ay tárizli qaqpaqlar menen táminlengen. Solay etip oń bólmeden túsken qannıń oń qarınsha arqalı ókpe arteriyasına shıgıwı hám qaytıp arqaǵa júrmewi qaqpaqlar arqalı retlestirilip turadı. Júrekten qan alıp shıǵıwshı tamırlar arteriya dep, júrekke qan alıp keliwshi tamırlar vena dep ataladı. Oń bólmege eki: astınǵı hám ústingi gewek venalar kelip quyadı. Deneniń barlıq bólimlerine keletuǵın qan usı tamırlar arqalı júrektiń oń bólmesine túsedi hám onnan on qarınshaǵa ótedi. Oń qarınshadan shıǵatuǵın tamır ókpe arteiyası delinedi. Oń qarınshadan shıqqan qan ókpe arteriyası arqalı ókpege baradı.