Тема: Анатомия панинин классификациясы рауажланыу тарийхы хам уйрениу методы

Júrektiń ótkiziwshi sisteması

Júrek bulshıq eti ishinde embrional jaǵdayda rawajlanbay qalǵan arnawlı kletkalar toplamı hám talshıqlar ushraydı. Júrekke keletuǵın tásir talshıqlar arqalı júrek bulshıq etine tarqalǵanı ushın bul kletka toplamları hám talshıqlar júrektiń ótkiziwshi sistemasına delinedi. Júrektiń ótkiziwshi sisteması júrek bulshıq eti ishinde tártipsiz halda tarqalǵan bolmay, bálki júrektiń málim jerlerinde ornalasqan. Júrektiń ótkeriwshi sistemasına kiretuǵın kletkalar toplamı hám talshıqlardıń bir toparı gewek venalardıń oń bolmege kelip kiriw jerinde ornalasqan bolıp, sinus túyini dep ataladı. Ekinshi túyin oń bólmeshe menen oń qarınsha tesigi jaqınında, oń bólmeshe ishinde ornalasqan. Bul túyin atrioventrikulyar túyin delinedi. Úshinshi túyin ekinshi túyinniń dawamı bolıp, hár eki qarınsha artındaǵı diywal ishinen ótedi. Buǵan Giss dástesi delinedi.

Júrektiń qozıwshańlıǵı

Júrek bulshıq etiniń hár bir uchastkası qozıwshańlıq qásiyetine iye. Joqarıda aytıp ótilgendey, júrektiń eń qozıwshań jeri sinus esaplanadı. Júrek bulshıq eti qozıwdan keyin shama menen 0,02 sekund ótkennen soń qısqaradı.
Onıń juwap beriwine shekemgi ketken waqıt latent dáwir delinedi. Júrek bulshıq etine tásir etiwden, onıń juwap beriwine shekemgi ketken waqıt latent dáwir delinedi. Júrek bulshıq etlerinen qozıwdıń ótiwi hámme jerinde birdey emes. Bólmeshelerdiń qozıwı sekundına 1 m, qarınshalardan 0,5 m, ótkiziwshi sistemadan 4-5 m, tezlikte ótedi.
Júrektiń ótkiziwshi sistemasınan qozıwdıń ótiw tezligide hámme jerde birdey bolmaydı. Qozıw sinus túyininde sekundına 0,8 - 1 m tezlikte ótedi. Joqarı temperatura qozıwdıń ótiwin tezlestiredi, tómen temperatura bolsa páseytedi. Júrek qısqarǵan waqıtta yaǵnıy júrek bulshıq eti qısqarǵan waqıtta ol hesh qanday tásirge juwap bermeydi. Bul jaǵday júrektiń qısqarıwı tamam bolǵansha dawam etedi absolyut refraktor dáwir delinedi.
Júrektiń bosasıwı waqtında onıń qozǵalıwshańlıǵı páseygen bolıp tek kúshli tásir ǵana júrekti qısqarta aladı. Bul dáwir salıstırma refraktor dáwir delinedi. Eger
júrektiń bosasıwı waqtında yaǵnıy salıstırma refraktor dáwirde júrekke qosımsha tásir berilse, júrek bul tásirge juwap retinde qosımsha qısqaradı. Júrektiń bul qosımsha qısqarıwına ekstrasistola delinedi.