Тема: Анатомия панинин классификациясы рауажланыу тарийхы хам уйрениу методы

Iyin bas stvolı

Iyin bas stvolı (truncus brachiocephalicus) uzınlıǵı 3-4 sm, diametri 2,5 sm bolıp, oń ulıwma uyqı arteriyasına hám oń omıraw astı arteriyasına bólinedi.

Ulıwma uyqı arteriyaları

Ulıwma uyqı arteriyası (arteria carotis communis) oń tárepte iyin bas stvolınan, shep tárepte bolsa aorta yarım sheńberlerinen tuwrıdan-tuwrı baslanadı. Ulıwma uyqı arteriyası moyında jaylasqan qan tamırlarǵa hám nervlerge bir neshe jińishke talalar beredi. Áne usı mayda talalar moyında kollaterial qan tamırları rawajlanıwında áhmiyetke iye.

Sırtqı uyqı arteriyası.

Sırtqı uyqı arteriyası (arteria carotis externa) ulıwma uyqı arteriyasınan bólinip shıǵıp aldınǵı, arqa hám joqarı táreplerge baǵdar alatuǵin 9 tarmaq ajıratadı.

Sırtqı uyqı arteriyasınıń aldınǵı tarmaqları

Qalqan tárizli bezdiń ústingisı (a. thyroidea superior) Til astı arteriyası (a. lingualis)
Júz (bet) arteriyası (a. facialis)

Sırtqı uyqı arteriyasınıń arqasındaǵı tarmaqları

1. 
   Eńse arteriyası (a. occipitalis) 2. Qulaqtıń arqasındaǵı arteriya (a. auricularis). 3. Tós omıraw sorıǵısh tárizli bulshıq et tarmaǵı (ramus sternocleidomastoideus).
   

Sırtqı uyqı arteriyasınıń medial tarmaqları

1. 
   Jutqınshaqtıń joqarıǵa kóteriliwshi arteriya (a. pharyngea ascendens). 2. Shekeniń ústirtin jaylasqan arteriyası (a. temporalis superficialis). 3. Tańlay qanat tárizli arteriya.
   

Ishki uyqı arteriyası

Ishki uyqı arteriyası (a. carotis interna) ulıwma uyqı arteriyalarınan baslanıp, sırttan uyqı tesigi arqalı uyqı kanalına kirip búgilip, keyninen gelle boslıǵına túsedi.
Arteriya gelle boslıǵında, tiykarǵı súyek denesiniń janbasındaǵı qarıqta jaylasadı. Ol miydiń qattı hám tor tárizli perdelerin tesip ótip tómendegi tarmaqlardı beredi: 1-uyqı baraban boslıǵı tarmaqları, 2-kóz kesasınıń arteriyası, 3-tor perdeniń oraylıq arteriyası, 4-bulshıq et arteriyası, 5-elek tárizli súyek arqa hám aldınǵı arteriyaları 6-aldınǵı kirpikli dene arteriyaları 7-miydiń aldınǵı arteriyası. 8-miydiń ortanǵı arteriyası 9-tamırlar shırmaǵınıń arteriyası, 10-arqa táreptegi birlestiriwshi arteriya.