Тема: Анатомия панинин классификациясы рауажланыу тарийхы хам уйрениу методы

Qadaǵalaw ushın sorawlar

1. 
   Júrek qan-tamır sistemasında júrektiń roli
   
2. 
   Qanday tamırlar arteriya hám venoz tamırları delinedi?
   
3. 
   Kapillyar tamırlardıń dúzilisi, funktsiyası
   
4. 
   Júrek shegaraları, klapanları, kameraları
   
5. 
   Júrek diywalları, qan menen táminleniwi
   
6. 
   Júrektiń ótkiziwshi sisteması, inervatsiyası
   
7. 
   Kishi qan aylanıw sheńberiniń tamırları
   
8. 
   Úlken qan aylanıw sheńberiniń tamırları
   
9. 
   Aorta hám onıń bólimleri
   
10. 
    Kóteriliwshi aortadan shıǵatuǵın tamırlar
    
11. 
    Aorta yarım sheńberinen shıǵatuǵın tamırlar
    
12. 
    Bas miy arteriyaları
    
13. 
    Túsiwshi aortanıń tarmaqları
    
14. 
    Vena tamırlarınıń ózine tán dúzilisi
    
15. 
    Joqarǵı hám tómengi gewek venalar
    
16. 
    Arteriya, vena hám limfa tamırlarınıń mikroskopiyalıq dúzilisi
    
17. 
    Júrek qan-tamırlar sistemasınıń rawajlanıwı
    
18. 
    Dárwaza venası
    
19. 
    Embrionda qan aylanıw
    
20. 
    Júrek qan-tamır sistemasınıń jasqa qaray ózgeshelikleri
    

QAN PAYDA ETIWSHI HÁM IMMUN SISTEMASI

Adam organizminde qan tamırlar sistemasınan basqa, biraq usı qan tamırlar sistemasınıń quramı esaplanǵan limfa sisteması da ajıratıladı.

Limfa sisteması kókirek vena tamırlar sistemasına jaqınıraq yaki áne usı vena sistemasınıń quram bólegi dese boladı. Limfa sisteması, vena sisteması taqlette periferiyadan baslanıp, kókirek kletkası (júrek) tárepke aǵadı. Venalardaǵı siyaqlı limfa tamırlarında da klapanlar bar. Limfa sisteması yamasa limfa tamırları ishinde aq reńsiz suyıqlıq-limfa aǵıp júredi. Limfa suyıqlıǵı toqıma hám kletkalar arasındaǵı kletka jarıqlarınan bası berk qapshalardan baslanadı. Solay etip adam organizmin quraǵan kletkalardıń átirapınan limfa suyıqlıǵı aǵıp turadı.
Limfa sisteması anatomiyalıq dúzilisine qaray tómendegi bólimlerden ibarat:

1. 
   Toqıma hám kletka arasınan baslanıwshı bası berk limfa qapshaları.
   
2. 
   Limfa kapillyarları hám limfa tamırları
   
3. 
   Hár qıylı jerlerde jaylasqan limfa túyinleri (bezleri)
   
4. 
   Úlken limfa tamırlarınıń oń limfa jolı hám kókirek limfa jolı
   

Limfa tamırları bası berk kletkalar-ara limfa jarıqlarınan baslanadı hám áwele limfa kapillyarlarına, sońınan limfa tamırlarına keyninen limfa túyinlerine, onnan keyin úlken limfa tamırlarına ótip, eń sońında kókirek kletkasında jaylasqan en úlken limfa jolı kókirek limfa jolı arqalı júrekke quyılıwshı úlken vena tamırlarına ashıladı. Adam organizminde limfa tamırları júdá keń tarmaqlanǵan limfa kapillyarları hám tamırları teride, sliz qabatlarda hám barlıq organlarda (miyden basqasında) sonday tıǵız jaylasqan, bul aǵzalardıń iyne shanıshqanday jeri qalmaǵan.
Limfa tamırlarınıń ishinde aǵıp júrgen limfa suyıqlıǵı reńsiz (suwǵa uqsas) suyıqlıq bolıp 1 mm³ muǵdardaǵı limfa suyıqlıǵında 2-20 mıńǵa shekem aq qan dánesheleri bolıwı múmkin. Limfa suyıqlıǵında limfotsitler, monotsitler hám eozinofiller boladı, biraq eritrotsitler bolmaydı.
Limfa suyıqlıǵınıń payda bolıwı jóninde bir neshe teoriyalar bolıp, oǵan qaraǵanda limfa suyıqlıǵı qan tamır kapillyarları diywalınan, kletka qabıǵınan, kletkalar ara boslıqqa sızatlanıp aǵıp shıǵadı hám limfa kapillyarların payda etedi.