Тема: Анатомия панинин классификациясы рауажланыу тарийхы хам уйрениу методы

súwret. Nefronnıń dúzilisi.

1-Kapillyarlar torı; 2- Eki qabatlı kapsula; 3-Naysha; 4- Vena; 5-Arteriya; 6-Kapillyar topsha; 7-Kiriwshi arteriya; 8-Shıǵıwshı arteriya.

Shumulyanskiy-Bawmen kapsulası, ishki tárepinen jalpaq epiteliya qaplama menen qaplanǵan. Birlemshi sidiktiń quramı usı

epiteliya arqalı qannan súzilip ótedi, hám Shumlyanskiy kapsulası boslıǵına túsedi. Bul jerden bolsa birinshi tártiptegi iyrek kanalsha boslıǵına quyıladı. Bul kanalshanıń diywalı Shumlyanskiy kapsulası diywalınıń tikkeley dawamı bolsada,
biraq ol jalpaq epiteliya emes, bálki biyik tsilindr tárizli epiteliya menen qaplanǵan.

Sidik jolları

Sidik jolı (ureter) uzınlıǵı 30 sm átirapındaǵı tsilindr formasına iye bulshıq etli naysha. Ol búyrek jamınan tómenge baǵdar alıp quwıqqa ashıladı. Sidik jolı aldınan arqaǵa birqansha jalpaqlanǵan bolıp qarın perdeden sırtta turadı. Ol jaylasıwına qaray qarın hám shanaq bólimlerine bólinedi. Shanaq boslıǵına kirgen sidik jolı quwıq túbine qaray bagdar alıp onıń diywalın tesip ótedi hám boslıqqa (quwıqqa) ashıladı. Sidik jolınıń quwıq diywalınan ótken bólimin ayırım jaǵdaylarda jasırınǵan bólimi dep ataydı. Sidik jolı baslanıw bóliminde, qarın boslıǵınan shanaqqa ótiw shegarasında, hám quwıqqa kiriw aldında biraz tarayadı.
Háyellerde sidik jolı erkeklerdikine salıstırǵanda 2-3 sm qısqa bolıp, shanaq boslıǵındagı agzalar menen topografiyalıq qatnasıda ózgeshe. Háyellerde ol máyekliktiń erkin qırı boylap quwıq penen birgelikte qın ortasındaǵı aralıqqa kiredi hám quwıqtıń túbine jaqın bóliminen quwıqqa qosıladı.
Erkeklerde shanaq bólimi bolsa tuqım shıǵarıw jolınan sırtta jaylasadı, sońınan ol jerden quwıq diywalına kiredi.
Sidik jolınıń diywalı úsh qabattan ibarat: eń ishi silekey qabat bolıp, onda silekey islep shıǵarıushı bezler bar. Ekinshisi bulshıq et qabatı, sırtqı qabatı biriktiriwshi toqımadan ibarat.
Ishi bos halatındaǵı sidik jolınıń silekey perdesi tigine baǵdarlanǵan búrmeler payda etedi. Sidik jolınıń diywalı juqa bolıwına qaramay ol ádewir keńeyiw múmkinshiligine iye.