Тема: Анатомия панинин классификациясы рауажланыу тарийхы хам уйрениу методы

Aldınǵı sredosteniede jaylasqan organlar:

1. 
   Júrek hám júrek qaltası
   
2. 
   Ayrı tárizli bez
   
3. 
   Aorta yarım sheńberi
   
4. 
   Ókpe stvolı
   
5. 
   Diafragma nervi
   

Arqa sredosteniede jaylasqan organlar:

1. 
   Qızıl óńesh
   
2. 
   Kókirek aortası
   
3. 
   Yarım taq vena
   
4. 
   Taq vena
   
5. 
   Adasqan nerv
   
6. 
   Kókirek limfa jolı
   
7. 
   Simpatikalıq nerv stvolı
   

Dem alıw sistemasınıń jasqa qaray ózgeshelikleri

Balalarda dem alıw organları qurılısı hám xızmeti boyınsha bir qatar ózgeshelikleri menen ajıraladı hám organizmniń ósip jáne rawajlanıw protseslerinde ádewir ózgerip baradı.
Dem alıw sisteması murın boslıǵınan baslanadı. Balalarda murın rakovinaları úsh jasqa tolǵanda rawajlanıp baslaydı. Murınnıń silekey qabatı qan hám limfa tamırlarına oǵada bay, bul ótkir isiniw (shamallaw) waqtında tez isinip dem alıwdı qıyınlastıradı, hátteki entigiwdi payda etedi.
Balanıń kishi jaslarında qosımsha quwıslıqlar rawajlanbaǵan boladı: mańlay ishi quwıslıǵı 2 jasınan baslap anıqlana baslaydı hám 12-15 jaslarında tolıq óz formasına iye boladı. Gaymor boslıǵı jańa tuwılǵan balada zordan bilinedi, 2 jastan keyin jedel ósedi.
Balalarda tamaq, gegirdek, bronxlar salıstırma tar bolıp, olardıń silekey qabatları qan hám limfa tamırları menen tıǵız támiyinlengen.
Balalarda ókpelerdiń jedel ósiwi ómiriniń birinshi aylarında hám 13-14 jaslarında (jınısıy jetilisiw dáwiri) seziledi. 8-jasar balanıń ókpesiniń kólemi jańa tuwılǵan balanıń ókpesi menen salıstırǵanda 8 esege úlkeyedi, 12 jasında 10-esege, 20 jasında ókpeniń kólemi jańa tuwılǵan balanıkinen 20 ese úlken boladı.
Balalarda dem alıwdıń ústirtin bolıwı onıń tezligi menen kompensatsiyalanadı. Bala qansha kishi bolsa dem alıw sanı sonsha kóp boladı. Jańa tuwılǵan balada dem alıw minutına 40-60 martebe, 2-jasar balada 30-40 márte boladı.Tek 10 jasqa kelip dem alıw 18-20 mártege deyin azayadı, degen menen ereseklerdiń dem alıwınan artıq boladı. (15-16)