Тема: Анатомия панинин классификациясы рауажланыу тарийхы хам уйрениу методы

Qadaǵalaw ushın sorawlar

1. 
   Dem alıw sistemasınıń rawajlanıwı, qaliplesiwi
   
2. 
   Suwda jasawshı haywanlardıń dem alıw sistemasınıń ózgeshelikleri
   
3. 
   Murınnıń, murın boslıǵınıń dúzilisi, silekey qabatı, funktsiyası
   
4. 
   Kómekeydiń dúzilisi, dawıs baylamları, shemirshekleri, buwınları
   
5. 
   Kómekeydiń bulshıq etleri, boslıǵı
   
6. 
   Gegirdek, dúzilisi, jaylasıwı
   
7. 
   Bronxlar: bóliniwi, bronxiolalar, atsinus
   
8. 
   Ókpelerdiń dúzilisi, jaylasıwı
   
9. 
   Plevra, parietal, vistserial plevra, plevra boslıǵı
   
10. 
    Dem alıw sistemasınıń jasqa qaray ózgeshelikleri.
    

BÓLIP SHIǴARIW SISTEMASI

Sidik bólip shıǵarıw aǵzaları sisteması organizmnen (qannan) artıqsha suyıqlıq, duzlardı ajıratıp alıp sırtqa shıǵarıp taslawda xızmet etedi. Bul sistemaǵa baylanısı joq, aǵza esaplanatuǵın teride organizmnen kereksiz suyıqlıqtı (ter túrinde) shıǵarıwda qatnasadı.

Sidik bólip shıǵarıw aǵzaları: búyreklerdi, sidik jollarınan, quwıq hám sidik shıǵarıw kanalınan ibarat.

Arnawlı dúzilgen búyrekler sidik bólip shıǵarıwshı organlar bolıp xızmet etedi. Sidik jolı búyrektelerdiń búyrek janınan baslanadı, sidik jolı sidikti quwıqqa alıp barıp quyıwshı uzın naysha kórinisindegi aǵza. Quwıqtan bolsa sidik kanalı baslanadı hám ol sırtqa ashıladı. Erkeklerde sidik shıǵarıwshı kanalǵa jınısıy sistemanıń kanalları hám kelip qosıladı, sonıń ushın ol tek sidik jolı bolıp qalmay, jınısıy jol bolıp ta xızmet etedi.

Háyellerdiń sidik shıǵarıw kanalı, jınısıy jollardan bólek boladı.

42-súwret. Sidik bólip shıǵarıw sisteması kórinisi.

1. 
   Sidik bólip shıǵarıw sisteması; 2-Búyrek; 3-Búyrek laxomkası; 4-Sidik jolı; 5-Quwıq; 6-Sidik shıǵarıw kanalı; 7-Búyrek ústi bezi; 8-Búyrek arteriyası hám venası; 9-Tómengi gewek vena; 10-Qarın aortası; 11- Ulıwma janbas arteriyası hám venası; 12-Bawır; 13- Juwan ishek; 14-Shanaq