Тема: Анатомия панинин классификациясы рауажланыу тарийхы хам уйрениу методы

Bólip shıǵarıw sistemasınıń jasqa qaray ózgeshelikleri

Jasqa qaray sidiktiń muǵdarı hám quramı ózgerip otıradı. Balalarda úlken adamlarǵa salıstırǵanda sidik kóp bóliniw menen birge tez-tezden kishi dáretke shıǵadı. Bul nárse balalardıń awqatlıq zatlar menen birge kóp muǵdarda suw hám uglevodlardı qabıllawına, suw almasıwınıń jedel bolıwına baylanıslı.
Jańa tuwılǵan balada 3-4 kúnleri ajıralıp shıqqan sidiktiń muǵdarı az boladı. Bir aylıq balada sutkasına 350-380 ml sidik bólinip shıǵadı. 1-jıldıń ayaǵına kelip 750 ml, 4-5 jasında 1 litrdiń átirapında, al 10-jasar balada 1,5 litr, jınısıy jetiliw dáwirinde 2 litrge shekem sidik bólinedi.
Jańa tuwılǵan balanıń sidiginiń reaktsiyası kúshli kislotalı (qıshqıl) boladı. Jasına baylanıslı onıń kislotalılıǵı (qıshqıllıǵı) tómenlep baradı. Sidiktiń reaktsiyası balanıń qabıllaǵan awqatınıń túrine baylanıslı ózgerip turadı. Bala tiykarınan góshli awqat qabıllasa organizmde kóp muǵdarda zat almasıwdıń kislotalı (qıshqıllı) zatları payda boladı. Buǵan sáykes sidik ádewir kislotalanadı (qıshqıllanadı). Eger bala palız-miyweli awqatlıq zatlardı qabıllasa sidiktiń reaktsiyası siltilik tárepke jılısadı.
Jańa tuwılǵan balada búyrek epiteliyalarınıń ótkiziwsheńligi joqarı boladı. Usıǵan baylanıslı olardıń sidiginde bárháma belok anıqlanadı. Normada deni saw balalarda hám úlken adamlar sidiginiń quramında belok bolmawı kerek.

Qadaǵalaw ushın sorawlar

1. 
   Búyreklerdiń shegaraları, topografiyası
   
2. 
   Búyreklerdiń frontal kesimi boyınsha ishki kórinisi
   
3. 
   Nefronlardıń dúzilisi hám xızmeti
   
4. 
   Erkek hám háyellerde quwıqtıń topografiyalıq dúzilisi
   
5. 
   Erkek hám háyeller sidik shıǵarıw kanallarınıń dúzilisindegi ózgeshelikler
   
6. 
   Sidik jollarınıń dúzilisi
   
7. 
   Birinshi hám aqırǵı sidikttiń quramı
   
8. 
   Sidik bólip shıǵarıw aǵzalarınıń jasqa qaray ózgeshelikleri.
   

JINISIY SISTEMA AǴZALARI

Jaylasıwına qaray ishki hám sırtqı jınısıy aǵzalar bolıp ekige bólinedi. Erkeklerdiń ishki jınısıy aǵzalarına tómendegi aǵzalar jatadı:

1. 
   Tuqımlıqlar (testis) hám onıń artıǵı (epididymis)
   
2. 
   Tuqım shıǵarıw jolları (ductus deferens)
   
3. 
   Tuqım qapshaları (vesieula seminalis)
   
4. 
   Prostata bezi (glandula prostata)
   
5. 
   Kuper bezleri (glandula Gooperi) Sırtqı jınısıy agzaları:
   

1. 
   Elik aǵzası ( penis)
   
2. 
   Tuqımlıq qalta (scrotum)