Тема: Анатомия панинин классификациясы рауажланыу тарийхы хам уйрениу методы

Kóz jası bezi

Kóz jası bezi, kóz kesasınıń joqarı laterial tárepinde, mańlay shuqırshasında jaylasqan bolıp, alveolyar tútikshe tárizli dúziliske iye. Bezden shıǵıwshı 5 ten 12 ge shekem jas shıǵarıwshı nayshalar kóz kesasınıń joqarı laterial tárepinde konyuktiva boslıǵına ashıladı hám ol jerden kóz almasınıń medial múyeshi tárepke baǵdarlanıp, bul jerde jaylasqan kóz jası kóline toplanadı. Kóz jası kóli tómenge murın boslıǵına kóz jası murın kanalı arqalı astıńǵı murın jolına ashıladı.

Dám seziw aǵzası

Dám seziw qásiyeti hár qıylı awqatlıq zatlardı birin ekinshisinen ajıratıp biliw bolıp esaplanadı. Bul xızmetti dám seziw retseptorları atqaradı.
Adamda dám biliw aǵzası dám seziw sorıǵıshlarında jaylasqan bolıp, kómekey ústi shemirsheginde, jumsaq tańlayda hám jutqınshaqtıń arqa júzinde ushıraydı.
Dám biliw aǵzası yaki dám seziwshi piyazshalar tiykarınan tildegi sorıǵıshlarda jaylasadı.

Iyis seziw aǵzası

Adamda hám haywanlarda kontakt jolı menen seziwshi retseptorlardan basqa, distant retseptorlarda bar. Distant retseptorlar ushın tásir kórsetiwshi faktor xızmetin hawadaǵı hár qıylı iyisler atqaradı.
Iyis seziw retseptorları pal hárre, qumırısqa hám gúbeleklerde jaqsı rawajlanǵanlıǵı anıqlanǵan. Iyis seziw retseptorları jerbawırlawshılarda hám sút emiziwshilerde de jaqsı qáliplesken bolıp, adamda hám maymıllarda salıstırma tómen rawajlanǵan, quslarda bolsa pútinley qáliplespegen.
Adamda iyis seziw analizatorlarınıń- periferiyalıq ushı murın boslıǵınıń, joqarı bóliminde, iyis seziw zonasında shama menen 5 sm jerdi qaplap jatadı.
Áne usı jerde iyis seziw analizatorlarınıń retseptorları jaylasqan.

Qadaǵalaw ushın sorawlar

1. 
   Kózdiń dúzilisi;
   
2. 
   Kóz gáwharı hám shiyshe tárizli deneniń dúzilisi funktsiyası;
   
3. 
   Kózdiń járdemshi apparatları;
   
4. 
   Esitiw hám teńsalmaqlılıqtı saqlaw organları;
   
5. 
   Sırtqı, orta hám ishki qulaqtıń dúzilisi;
   
6. 
   Dám biliw analizatorlarınıń jaylasıwı funktsiyası;
   
7. 
   Iyis seziw analizatorınıń dúzilisi;
   
8. 
   Teri seziwsheńligi, túrleri.