Tema-1 «Salıqlar h’a’m salıqqa tartıw» arnawlı kursın oqıtıwdın’ za’ru’rligi, maqseti h’a’m wazıypaları O’zbekstan Respublikası salıq sisteması h’a’m salıq qatnasıqları subektlerinin’ h’uqıq h’a’m de minnetlemeleri. Rejesi

5. Salıqtan jen’illikler. Salıqtı esaplaw, esap-sanaqların tapsırıw h’a’m to’lew ta’rtibi.
Salıq nızamshılıg’ına muwapıq salıq salınbaytug’ın jer uchastkalarına to’mendegi jerler kiredi:
- awıl xalqı punktlerinin’ ulıwma paydalanıwdag’ı jerleri;
- sport imaratları, stadionlar, sport maydanshaları, suw h’əwzileri, sporttın’ texnikalıq tu’rleri obektleri h’əm basqa dene tərbiya salamatlastırıw kompleksleri, analar h’əm balalardın’ dem alıw h’əm salamatlastırıw jerleri, sanatoriy kurort sho’lkemleri h’əm dem alıw u’yleri, oqıw-shınıg’ıw bazaları iyelegen jerler;
- jan’a o’zlestirilip atırg’an jerler h’əm meliorativ awh’alın jaqsılıw jumısları alıp barılıp atırg’an suwg’arılatug’ın jerler- joybarda nəzerde tutılg’an mu’ddette, lekin jumıslar baslang’annan ko’bi menen bes jılg’a. Eger joybarda jerlerdi o’zlestiriw h’əm meliorativ jumıslardı əmelge asırıw mu’ddetlerge ko’rsetilmegen yaki jer uchastkası basqa mu’ddetlerde tapsırılg’an bolsa, jer uchastkası ushın salıq meliorativ jumıslar h’əm jan’a jerlerdi o’zlestiriw jumısları orınlangan jıllar ushın to’lenbeydi, lekin ol 5 jıldan aspawı kerek;
- bilimlendiriw mədeniyat h’əm den sawlıqtı saqlaw obektlerige bənt etken jerler;
- jan’a tut nəlsheleri egilgen jerler, qatar aralarınan awıl xojalıg’ı eginleri egiw ushın paydalanıwına qaramastan, 3 jıl mu’ddetke. Usı mu’nəsibet penen bəh’ərde egilgen tut nəlsheleri egilgen jıldı esaplag’anda 3 jılg’a salıq to’lewden azat etiledi. Gu’zde egilgen nəlsheler bolsa olardı egiwden keyingi jıldan baslap 3 jılg’a salıq to’lewden azat etiledi;
- ilimiy sho’lkemlerdin’ awıl xojalıg’ı əh’miyetine iye h’əm tog’ay fondındag’ı jerleri, awıl xojalıg’ı h’əm tog’ay xojalıg’ı tarawındag’ı ilim-izretlew sho’lkemleri h’əm de oqıw orınlarına qaraslı təjriybe, eksperimental h’əm oqıw-təjriybe xojalıqlarının’ tikkeley ilimiy h’əm oqıw maqsetleri ushın paydalanatug’ın jerleri;
- jan’adan payda bolg’an awıl xojalıg’ı tovar islep shıg’arıwshıları, sol esaptan fermer xojalıqları, məmleketlik dizimge alıng’an ku’nnen baslap 2 jıl mu’ddetke;
- O’zbekstan Respublikasının’ nızam h’u’jjetlerine muwapıq salıq salınbaytug’ın basqa jerler.
Awıl xojalıg’ı tovar islep shıg’arıwshıları birden-bir jer salıg’ının’ summasın belgilengen forma (11 -qosımsha) boyınsha salıq salınatug’ın bazag’a qarap jer uchastkalarının’ normativ qunı h’əm de jer uchastkalarının’ maydanınan (jer uchastkası jaylasqan jer h’əm jer uchastkasının’ ball bonitetin nəzerde tutatug’ın du’zetiw koeffitsienti itibarg’a alıngan h’alda belgilengen stavkadan) kelip shıqqan h’alda esaplap shıg’arıladı.
Birden-bir jer salıg’ının’ esap-sanag’ı uchastkası jaylasqan jerdegi məmleketlik salıq xızmeti organına ag’ımdag’ı salıq dəwirinin’ 1 mayına shekem tapsırıladı.
Birden-bir jer salıg’ın byudjetke to’lew to’mendegishe əmelge asırıladı:
-esabat jılının’ 1 iyulına shekem jıllıq salıq summasmının’ 20%;
-esabat jılının’ 1-sentyabrine shekem jıllıq salıq summasının’ 30%
-esabat jılının’ 1-dekabrine shekem salıqtın’ qalg’an summası.