Tema-1 «Salıqlar h’a’m salıqqa tartıw» arnawlı kursın oqıtıwdın’ za’ru’rligi, maqseti h’a’m wazıypaları O’zbekstan Respublikası salıq sisteması h’a’m salıq qatnasıqları subektlerinin’ h’uqıq h’a’m de minnetlemeleri. Rejesi

3. Salıq esap-sanag’ın tapsırıw h’əm salıktı byudjetke to’lew mu’ddetleri. Birden-bir salıq to’lemi boyınsha to’lemlerdi keshiktiriw tərtibi h’əm de onın’ əh’miyeti.
Mikrofirma h’a’m kishi ka’rxanalar, tiykarg’ı xızmeti menen bir qatarda, basqada xızmet tu’rleri menen shug’ıllansa, usı xızmet tu’rleri boyınsha o’z aldına esap-sanaqların ju’ritiwleri kerek h’a’m de nızamda na’zerde tutılg’an salıq h’a’m ma’jbu’riy to’lemlerdi to’lewi sha’rt.
Birinshi sherek, yarım jıl h’əm 9 ay juwmaqları boyınsha salıq to’lewshiler dizimnen o’tken jerindegi rayon qala məmleketlik salıq inspektsiyasına esap-sanaq tapsırıw shereginen keyingi aydın’ 25-ku’ninen keshiktirmey, jıl juwmaqları boyınsha bolsa jıllıq finanslıq esap-sanaqtı tapsırıw mu’ddetinde belgilengen formada (3-qosımsha) birden-bir salıq to’lemi boyınsha esap-sanaqların tapsıradı.
Mikrofirma h’əm kishi kərxanalar quramına kirmeytug’ın kərxanalar tərepinen h’ər ayda esap-sanaq dəwirinen keyingi aydın’ 25-ku’ninen keshiktirmey, jıl juwmaqları boyınsha bolsa, jıllıq finanslıq esap-sanaq tapsırılatug’ın mu’ddette tapsırıladı.
Birden-bir salıq to’lemin to’lew h’ər sherekte o’sip barıwshı juwmaq penen esap-sanaq shereginen keyingi aydın’ 25-ku’nine shekem əmelge asırıladı.
O’zbekstan Respublikası Prezidentinin’ 2005-jıl 20-iyundag’ı «Mikrofirmalar h’əm kishi kərxanalardı rawajlandırıwdı xoshametlew tuwrısında qosımsha shara-ilajları h’aqqındag’ı» PP-3620-san Pərmanına muwapıq jan’adan sho’lkemlestirilgen mikrofirma h’əm kishi kərxanalarg’a (bunnan keyin kərxana) birden-bir salıq to’lemin to’lew mu’ddetin keshiktiriw h’uqıqın beriw tərtibi belgilengen.
To’lewdi keshiktiriw birden-bir salıq to’lemi boyınsha salıq minnetlemesin to’lew mu’ddetin belgilengen mu’ddetke ko’shiriwdi an’latadı.
To’lew mu’ddetin keshiktiriw h’uqıqın alıw ushın kərxana, birden-bir salıq to’lemin to’lewdin’ birinshi mu’ddeti baslanıwına ko’bi menen 15 ku’n qalg’anda, og’an to’lew mu’ddetin keshiktiriw h’uqıqın beriw h’aqqında tiyisli rayonlıq (qala) məmleketlik salıq inspektsiyasına belgilengen formada arza tapsıradı.
Rayonlıq (qala) məmleketlik salıq inspektsiyası to’lew mu’ddetin keshiktiriw h’uqıqın beriw h’akqındag’ı arzanı arza kelip tu’sken ku’nnen baslap 3 jumıs ku’ni dawamında ko’rip shıg’adı, son’ınan to’lew mu’ddetin keshiktiriw yaki biykar etiw h’aqqında qarar shıg’arıp, kərxananın’ bergen arzasına qabıl etilgen qarar nətiyjesinin’ tiyisli belgisin qoyadı.
Rayonlıq (qala) məmleketlik salıq inspektsiyasının’ biykar etiw h’aqqındag’ı qararı to’mendegi jag’daylarda qabıl qılınıwı mu’mkin:

• 
  to’lew mu’ddetin keshiktiriw h’uqıqın beriw h’aqqındag’ı arza belgilengen formada usınılmag’an bolsa;
  
• 
  to’lew mu’ddetin keshiktiriw h’uqıqın beriw h’aqqındag’ı arza belgilengen mu’ddetten keyin tapsırılsa;
  
• 
  kərxana birden-bir salıq to’leminin’ to’lewshisi bolmasa.
  

Birden-bir salıq to’lemin to’lew mu’ddetin keshiktiriw h’uqıqın basqa sebeplerge ko’re, biykar etiliwine jol qoyılmaydı.
To’lew mu’ddetin keshiktiriw h’uqıqı kərxanag’a kərxana məmleketlik diziminen o’tkerilgen aydın’ 1 ku’ninen baslap bir jılg’a beriledi.
Mısalı ushın, eger kərxana məmleketlik dizimnen 15 yaki 25-yanvarda o’tkerilgen bolsa, bul kərxanag’a salıqtı to’lew mu’ddetin keshiktiriw h’uqıqı usı ag’ımdag’ı jıldın’ 1-yanvarınan keyingi jıldın’ 1-yanvarına shekemgi dəwirge beriledi.
To’lew mu’ddetin keshiktiriw h’uqıqı berilgen kərxana rayonlıq (qala) məmleketlik salıq inspektsiyasına belgilengen tərtipte, esap-sanaq shereginen keyingi aydın’ 25-ku’nine shekem birden-bir salıq to’leminin’ esap-sanag’ının’ usınadı. Bunda kərxana birden-bir salıq to’lemi esap-sanag’ın on’ təreptegi joqarı mu’yeshine «O’zbekstan Respublikası Prezidentinin’ 2005-jıl 20-iyundag’ı PP 3620-sanlı «Pərmanına muwapıq to’lew mu’ddeti keshiktirilgen» belgisin qoyadı.