Tema -1 Kirisiw; Aziq-awqat sanatti materiyallari shiyki zatlari

Tema-2 Qant ha’m qant o’nimleri. Solod hám solodtıń tiykarǵı túrleri hám qollanıwı
Sheker. Konditer ónimlerin islep shıǵarıwda sheker tiykarǵı shiyki zat bolıp esaplanadı. Sheker konserva sanaatında, awqat tayar­lawda hám nan-bulka ónimlerin tayarlawda keń qollanıladı. Paydalanatuǵın shekerimiz ámelde sap saxarozadan (C ₁₂H₂₂ O₁₁ ) ibarat. Saxarozanı paydalanıw ólshemi - bir kúnge 100 g, buǵan basqa azıq-awqat ónimlerinende qantlar kiredi.
Saxaroza - disaxarid, ol kislota yaki saxaroza (invertaza) fermenti tásirinde invertli sheker dep atalatuǵın glyukoza menen fruktozaǵa ıdıraydı. Saxaroza ámelde gigroskopiyalıq emes, suwda jaqsı eriydi.
Sanaatta sheker eki ósimlikten — qant qamisinan hám qant láblebisinen alınadi
Ápiwayi shekerdi qosimsha tazalaw hám qaytadan kristallaw nátiyjesinde sheker-rafinad hám qant-rafinad alinadi («rafinatsiya» — tazalaw maǵanasin bildiredi). Bunda boyawshi zatlar, mineral zatlar hám basqalar qosimsha tárizde bólip alinadi.She­ker-rafinad hám qant-rafinadta saxaroza muǵdari keminde 99,9% (qurǵaq zatlarǵa esaplaǵanda) bolip, olar joqari sapali kristall tárizli ónimler esaplanadi.
Tábiyiy pal. Tábiyiy pal joqari awqatliq qunina iyejaǵimli iyisli, mazali dámli pyure tárizli ónim bolip tabiladi. Tábiyiy paldiń gúl, shire hám aralas túrleri bar.
Solod — jasalma sharayatlarda belgili temperatura hám ıǵallıqta óndirilgen dán. Dándi jasalma usılda óndiriw processine solod jetistiriw delinedi. Óndirip alınǵan produkciya taza solod delinedi hám ol keyninen keptiriledi hám de qurǵaq solodqa aylandırıladı. Solod tayarlaw ushın tiykarınan arpa hám qara biyday unı qollanıladı.
Solod islep shıǵarıw. Solod islep shıǵarıw tómendegi basqıshlardan ibarat: dándi tazalaw hám ayırıw; juwıw hám dezinfekciyalaw; dándi jibitiw; dándi óndiriw; fermentlestiriw; jańa óngen solodtı keptiriw; ósimshelerdi ajıratıw hám tegislew; keptirilgen solodtı saqlaw, túyiw, ıdıslarǵa jaylastırıw hám saqlaw.