Текст проекта 24247-(24247)

project.gov.uz
11.11.2020
36
келмайдиган ёки уларнинг вагондан вагонга қайта юкланишини таъминламайдиган тара ёки
қадоқларда ташишга тақдим этилганда, ташқи кўрикдан ўтказиш йўли билан тара ёки қадоқ
техник жиҳатдан тартибга солиш соҳасидаги норматив ҳужжатлар талабларига мувофиқ
эмаслигини, юклар хавфсиз ташилишини таъминламаслигини ёки носозлигини аниқлаш мумкин
бўлса, темир йўл (инфратузилма эгаси, ташувчи) бундай юкларни қабул қилишни рад этиши
мумкин.
115. Юкларни ортиш темир йўл (инфратузилма эгаси, ташувчи) томонидан амалга оширилган
ҳоллардагина темир йўл (инфратузилма эгаси, ташувчи) юкларнинг тара ёки қадоқларини ташқи
кўрикдан ўтказиши лозим.
Темир йўл (инфратузилма эгаси, ташувчи) юк қабул қилишни рад этса,
юк жўнатувчининг талабига биноан ушбу тўғрисида далолатнома тузиб, унинг бир нусхасини юк
жўнатувчига тақдим этиши лозим.
116. Юк жўнатувчи ҳақиқий бўлмаган ёпиштирилган ёрлиқларни олиб ташлаши ва ҳақиқий
бўлмаган ёзувларни ўқиб бўлмайдиган ҳолга келтириши шарт.
Юк жўнатувчи:
юк жойларида акс эттирилган ёки уларга бириктирилган ёзувлар
ҳамда у томонидан вагонга ўрнатилган ёпиштирма қоғозларнинг тўғрилиги;
ёзувлар, ёпиштирма қоғозлар ёки ёрлиқларда у томонидан кўрсатилган нотўғри, тўлиқсиз ёки
ноаниқ маълумотлардан келиб чиққан барча оқибатлар
учун жавобгар.
6–боб. Катта миқдордаги юкларни маршрут ва вагон
гуруҳлари тарзида битта юкхати бўйича ташиш тартиби
117. Ушбу Қоидаларнинг 13–иловасида шакли кўрсатилган битта юкхати бўйича қуйидаги
шартларга риоя қилган ҳолда жўнатувчи маршрутларда юклар ташишга қабул қилинади:
а) юклар тури бир хил бўлиши керак;
б) юкларни ортиш ва тушириш умумий фойдаланишда бўлмаган жойларда амалга оширилиши
керак;
в) юклар битта жўнатувчи темир йўл станциясидан битта юк жўнатувчидан ташишга қабул
қилинади;
г) юклар етказиш манзилидаги битта темир йўл станциясига битта
юкни олувчи номига юборилиши керак;
д) йўл давомида маршрут массаси ва узунлиги камайтирилмайди.
118. Битта юк тушириш темир йул станциясига бораётган маршрут ядроси (йўл давомида
оғирлиги ўзгарган тақдирда ҳам қайта тузишсиз етказиши манзили темир йўл станциясига
ўрнатилган оғирликдаги жўнатиш маршрути ҳаракатланаётган асосий қисми) ҳамда уланувчи
вагонлар гуруҳи асосида ташкил этилган маршрутнинг ядро вагонларига бир юкхати
расмийлаштирилади маршрутга уланувчи гуруҳнинг ҳар бир вагони учун эса, алоҳида юкхати
расмийлаштирилади.

---