Текст проекта 24247-(24247)

Ўзбекистон Республикаси темир йўл транспортида юк ташиш
ҚОИДАЛАРИ
1–боб. Умумий қоидалар
1. Мазкур Қоидалар Ўзбекистон Республикасининг “Темир йўл транспорти тўғрисида” ги
Қонунига мувофиқ Ўзбекистон Республикаси темир йўл транспортида юк ташувларини ташкил
этиш тартиби ва шартларини белгилайди.
2. Ушбу Қоидалар Ўзбекистон Республикаси ҳудудида умумий фойдаланишдаги темир йўлларда
темир йўл транспортида амалга ошириладиган юк ташувларига татбиқ этилади.
Ўзбекистон Республикаси орқали халқаро ва транзит қатновларда темир йўл транспортида юк
ташувлар Ўзбекистон Республикаси қонун ҳужжатлари ва халқаро шартномалар асосида амалга
оширилади.
3. Ушбу Қоидаларда кўзда тутилмаган 1520 мм кенгликдаги темир йўл изида ҳаракатланувчи
вагонларда юкларни жойлаштириш ва маҳкамлаш бўйича техник шартлар (бундан буён матнда
техник шартлар деб юритилади), қуйилган ҳолда ташилувчи суюқ юклар, хавфли, ногабарит ва
оғир вазнли юкларни ташиш шартлари ва тартиби, халқаро ва тўғридан-тўғри аралаш қатновларда
юк ташувларини режалаштириш тартиби Ўзбекистон Республикаси иштирок этадиган Темир
йўллар ҳамкорлиги ташкилоти ва Мустақил давлатлар ҳамдўстлигига (бундан буён матнда МДҲ
деб юритилади) аъзо мамлакатлар, Латвия Республикаси, Литва Республикаси ва Эстония
Республикаси (бундан буён матнда Болтиқ мамлакатлари деб юритилади), Грузиянинг темир йўл
транспорти кенгаши доирасида қабул қилинган халқаро битимлар (шартномалар) асосида
белгиланади.
4. Мазкур Қоидалар мақсадида қуйидаги асосий тушунчалар ва атамалар қўлланилади:
вагонларни (контейнерларни) юк ортиш учун тайёрлаш 
–
 
вагонлар (контейнерлар) устида иш
олиб бориш: йўл давомида буюртма берилган юкнинг хавфсизлиги ва бутлигини таъминлаш
мақсадида уни ортишдан аввал вагонларнинг ён томони, поллари, томи, том ва эшик люкларида
мавжуд бўлган шикастланишларни бартараф этиш ва бошқа ишларни амалга ошириш;