Текст проекта 24247-(24247)

project.gov.uz
11.11.2020
120
25–боб. Давлат ветеринария хизмати назоратидаги юкларни
(товарларни) ташиш тартиби
508. Жониворлардан тайёрланган маҳсулотлар ва озиқ ўша овқат хом ашёси, жониворлар ва
паррандалар, жониворлар емини давлат ветеринария хизмати органлари назорати остида
жониворларнинг ўта хавфли ва карантин касалликларидан ҳоли бўлган ҳудуддан олиб темир
йўлда ташишга рухсат берилади.
Жониворлардан тайёрланган маҳсулотлар ва озиқ–овқат хом ашёси
ушбу Қоидаларнинг 23–боби талабларига мувофиқ темир йўл транспортида ташилади.
Жониворлар ва паррандалар ушбу Қоидаларнинг 2–боби талабларига мувофиқ темир йўл
транспортида ташилади.
509. Давлат ветеринария хизмати назорати остидаги юклар (товарлар)
учун юк жўнатувчи ҳар бир вагон (контейнер) учун темир йўл станциясига белгиланган шаклдаги
ветеринария гувоҳномасини (сертификати) тақдим этиши шарт.
Давлат ветеринария хизмати назорати остидаги юклар (товарлар) рўйхати, шунингдек
ветеринария гувоҳномасини (сертификатини) бериш тартиби Ўзбекистон Республикаси Вазирлар
Маҳкамаси томонидан ўрнатилади.
Давлат ветеринария хизмати назорати остидаги юкларни ортиш кўзда тутилаётгани тўғрисида
темир йўл станцияси бошлиғи давлат ветеринария хизмати органини ортиш ишлари
бошланишидан камида 12 соат олдин хабардор этиши лозим.
Ветеринария гувоҳномасисиз (сертификатисиз) ва вагонлар (контейнерлар) текширувисиз давлат
ветеринария хизмати назорати остидаги юкларни (товарларни) ортишга йўл қўйилмайди.
510. Ветеринария гувоҳномаси (сертификати) юкларни (товарлар) транспортда ташиш якунига
етказилгунга қадар амал қилади. Кўрсатилган ветеринария ҳужжатларининг амал қилиш муддати
тугаган тақдирда, юкларни (товарларни) ташиш учун қабул қилиш имконияти тўғрисидаги масала
давлат ветеринария ҳизмати органлари томонидан ҳал қилинади.
511. Ветеринария гувоҳномасида (сертификати) юкнинг (товар) номи, жойлар сони ва массаси
кўрсатилади, мўйна ва тери хом ашёси, мўйна ташишда эса, бундан ташқари, уларнинг дона ўлчов
бирлигида сони кўрсатилади.
Тузатишлар киритилган, муҳр изи ўқилмайдиган, муҳр бўлмаган, ҳужжатни берган
мутахассиснинг имзоси, лавозимининг тўлиқ номи, фамилияси
ва исм–шарифи кўрсатилмаган, берилган санаси акс эттирилмаган ветеринария гувоҳномаси
(сертификати), шунингдек, ветеринария кузатувчи ҳужжатларини бериш ҳуқуқига эга бўлмаган
юридик шахсларнинг муҳрлари билан тасдиқланган ҳужжатлар, кўрсатилган юк (товар), унинг
жойлари сони ва массаси аслида

---