Текст проекта 24247-(24247)

project.gov.uz
11.11.2020
119
берилган белгиланган шаклдаги хабарномада вагонга қайси тоифа бўйича ишлов берилиши
лозимлиги кўрсатилиши керак.
Темир йўл станцияси бошлиғи жўнатиш темир йўл станцияси
бошлиғи, чегара ва транспорт ветеринария назорат пункти, етказиш манзилидаги темир йўл
станцияси бошлиғи ва дезинфекциялаш–ювиш станциясидаги ветеринария–санитария участкаси,
темир йўлнинг (инфратузилма эгаларининг, ташувчининг) тегишли бўлинмалари, давлат
ветеринария хизмати органига иккинчи ёки учинчи тоифа бўйича ветеринария–санитария ишлови
берилиши
керак бўлган вагон ушланиб қолинганлиги ва уни таъмирлаш учун тахминан кетадиган муддат
ҳақида телеграф орқали хабар бериши лозим.
Иккинчи ёки учинчи тоифа бўйича ветеринария–санитария ишлови берилиши керак бўлган
вагонни таъмирлаш вақтида эшиклардан пломба, бирка
ва бурамаларни ҳамда мавжуд ёпиштирилган қоғозларни ечиб олиш тақиқланади.
503. Ўрнатилган тартибда карантин эълон қилинган ҳолларда темир йўл (инфратузилма эгаси,
ташувчи) раҳбари Ўзбекистон Республикаси Темир йўл уставида ўрнатилган тартибда жонивор ва
паррандаларни ташишни чеклаш
ёки тақиқлаш ҳақида эълон қилади.
Карантин эълон қилинган темир йўл станциясига жонивор ва паррандалар ортилган вагонлар
келганда, улар давлат ветеринария хизмати органлари рухсати билан юкни олувчининг
кўрсатмасига кўра бошқа темир йўл станциясига жўнатилади.
Жонивор ва паррандаларни манзилни ўзгартириш давлат ветеринария хизмати органлари билан
келишилган бўлиши керак.
504. Жонивор ва паррандаларни хориждан олиб кириш ва хорижга олиб чиқиш жонивор ва
паррандалар қайси мамлакатдан кириб келаётган бўлса,
ўша мамлакат давлат ветеринария хизмати органлари томонидан берилган ветеринария
ҳужжатлари асосида амалга оширилиши ва кузатилиши лозим.
505. Ветеринария назорати остида бўлган экспорт ва импорт қилинаётган юклар чегара ва
транспорт ветеринария назорати пунктида ветеринар шифокор томонидан текширишлиши керак.
Ветеринар шифокор ветеринария назорати остидаги юклар келганлиги тўғрисида темир йўл
станцияси бошлиғи томонидан огоҳлантирилиши керак.
Кўрикдан ўтказилган ветеринария назорати остидаги юк учун чегара
ва транспорт ветеринария назорати пункти ветеринар шифокори ветеринария гувоҳномаси
(сертификати) асосида экспорт қилинадиган юкларга белгиланган шаклдаги ветеринария
сертификатини, импорт қилинадиган юкларга ветеринария гувоҳномасини расмийлаштиради.
Ветеринария сертификати ёки ветеринария гувоҳномаси юк ҳужжатларига илова қилинади.
506. Касалланган ёки юқумли касалликларга чалинишда гумон қилинган жонивор ва паррандалар
аниқланганда, ветеринария ҳужжатларида кўрсатилган маълумотлар мос келмаганда ёки ушбу
ҳужжатлар мавжуд бўлмаганда
ҳар бир ҳолат ҳақида чегара ва транспорт ветеринария назорати пункти ветеринар шифокори
томонидан темир йўл станцияси вакили билан биргаликда далолатнома тузилади. Бунда,
жониворлар ва паррандаларга нисбатан чегара ва транспорт ветеринария назорати пункти
ветеринар шифокори томонидан кўрсатилган ветеринария ўша санитария чоралари қўлланилади.
507. Жонивор ва паррандаларни ветеринария кўригисиз транзит ташишга йўл қўйилмайди.

---