Tegi sarlavhaning tegidir, va hujjatga nom bеrish uchun hizmat qiladi hujjat nomi va

3. M-Learning va uning iqtisodiy samaradorligi

M -Learning

evolyutsiyasini tahlil qiladigan bo‘lsak, uchta asosiy jihatga ahamiyat berish zarur(Pegrum, 2014): birinchi jihati ta’limni rivojlantirish uchun ta’lim berish va ta’lim

olish jarayonini o‘zgartiradi. Buning mazmuni, ta’lim jarayonida ta’lim oluvchiga yuklama ortadi, asosiy e’tibor mustaqil ta’lim olish va amaliy ko‘nikmalarni rivojlantirishga yo‘naltirilgan bo‘ladi. Ushbu dastur doirasida ta’lim oluvchi, ishtirokchilar va ta’lim mazmuni va barcha tashkil etuvchilar mobil hisoblanadi. Natijada, birinchi jihat, keng imkoniyatga ega murakkab mobil qurilmalardan foydalanish darajasiga bog‘liq. Bu ta’lim texnologiyalarini rivojlantirishning eng ilg‘or texnologiyalaridan biri bo‘lib, to‘ldirilgan borliq(augmented reality) loyihasi misol bo‘la oladi.

Ikkinchi jihat esa 21-asr ko‘nikmalarini rivojlantirish masalasini qamrab oladi. 21-asr ko‘nikmalari globallashuv davridagi yangi texnologiyalarni qo‘llash bilan bog‘liq hayotiy ko‘nikmalarni shakllantirishga qaratilgan. Bu esa ijodkorlik, innovatsiya va aksariyat hollarda tadbirkorlik (Zhao, 2012); tanqidiy fikrlash, hamkorlik kommunikatsiya ko‘nikmalari(Mishra & Kereluik, 2011); raqamli kompetentlikning keng jihatlari(Dudeney, Hockly & Pegrum, 2013) bilan bog‘liq. Ikkinchi jihat ta’lim oluvchilardan mobillikni talab etadi hamda mobil qurilmalarning texnik va texnologik jihatlarini hisobga olib to‘ldirilgan borliq texnologiyalari bilan maksimal tarzda foydalana olish imkoniyatlarini qamrab oladi.

Uchinchi jihati aholining kam ta’minlangan qatlami, imkoniyati cheklangan, markazdan uzoqda yashovchi ta’lim oluvchilarga yetarli darajada ta’lim olish imkoniyatini beradi.