Tayyorlash va ularning malakasini oshirish hududiy markazi

IV. Yangi mavzu bayoni. Dastlab o’qituvchi o’quvchilarga yangi mavzu yuzasidan nazariy ma’lumotlar beradi. Inson tabiiy boyliklardan o’z ehtiyojini qondirish maqsadida foydalanadi. Er yuzasidagi dastlabki odamlar tabiatning tayyor mahsulotidan foydalangan, inson aql-zakovatining ortib borishi, mehnat qurollarining yaratilishi va fan-texnikaning jadal rivojlanishi natijasida insonning tabiatga ta’siri ortib bordi. Odamlar katta-katta o’rmonlarni kesib, ekin maydonlariga aylantirdi. Qishloq va shaharlarni barpo etdi, ishlab chiqarish korxonalarini qurdi. Cho’l va dashtlarning bir qismi o’zlashtirilib, dala va bog’larga aylantirildi. Asosan tog’li joylardagina yashil boyliklar saqlanib qolindi. Insonning tabiat bilan munosabatini tartibga solish, yo’qotilgan tabiiy boyliklarni tiklash borasida ekolog olimlar ish olib bormoqdalar. Bizning mamlakatimizda ham tabiiy boyliklarni muhofaza qilishga hukumat darajasida alohida e’tibor berilmoqda. O’lkamiz hududidagi yo’qolib ketish xavfi ostidagi o’simlik va hayvonlar «O’zbekiston Respublikasi Qizil kitobi»ga kiritilgan. Jumladan, bugungi kunda «Qizil kitob»ga o’lkamiz hududidagi 324 turdagi o’simlik va 184 turdagi hayvonlar kiritilgan. Vatanimiz tabiiy boyliklarini muhofaza qilish uchun faoliyat ko’rsatayotgan qo’riqxonalardan tashqari, Ugom-Chotqol va Zomin milliy tabiat bog’lari ham tashkil etilgan. Bu maskanlarga sayyohatga chiqqan kishilar o’lkamizning tabiat boyliklari bilan yaqindan tanishadilar, tabiatning go’zalligidan zavqlanadilar, tiniq havosidan nafas oladilar. Bu erlarga tashrif buyurgan har bir kishi tabiatni asrash va avaylash nechog’lik zarurligini tushunib etadi, uning tabiatga bo’lgan mehri ortadi.